Facebook-ի թաքնված ֆունկցիաները, որոնց մասին դուք չգիտեիք։

0

Այժմ Facebook-ը ներառված է աշխարհի ամենաշատ այցելվող սոցիալական ցանցերի հնգյակում։ Թեև ամենատարածված սոցիալական ցանցից օգտվում են գրեթե բոլորը, մեզանից շատերը տեղյակ չեն Facebook-ի բոլոր հնարավորություններից:

Այսպիսով, ստորև կանրադառնանք Facebook-ի այն ֆունկցիաներին, որոնց գոյության մասին, հավանաբար, չգիտեք:

Ահա, դրանցից մի քանիսը։

Պահպանեք դուր եկած հղումները և էջերը

Facebook-ի բազմաթիվ հրապարակումները անհնար է ուսումնասիրել կարճ ժամանակում, սակայն թարմացումներից մեկի շնորհիվ այժմ օգտատերերը կարող են պահպանել հղումները և իրենց դուր եկած էջերը, հետագայում դրանք ավելի մանրամասն ուսումնասիրելու համար։ Հղումը կամ էջը հիշելու համար սեղմեք  գրառման (post-ի) աջ անկյունի երեք կետերի վրա, ապա բացված պատուհանից ընտրեք Save for Later կամ Save տարբերակը։

Պահպանված հղումները կարելի է տեսնել սեղմելով գլխավոր էջի ձախ անկյունում գտնվող «Saved» կոճակի վրա։

1Վերահսկեք Ձեր լրահոսը (News Feed)

Եթե ցանկանում եք «մաքուր» պահել Ձեր լրահոսը ընկերների անհետաքրքիր գրառումներից և այլևս չտեսնել ընկերներից որևէ մեկի հրապարակումները, ապա սեղմեք հրապարակված նյութի՝ վերևի անկյունում գտնվող երեք կետերի վրա և հայտնված ցանկից ընտրեք «Unfollow …. » Այս հնարքով դուք արգելափակում եք առանձին օգտատերերի թարմացումները, սակայն թողնում եք վերջիններիս Ձեր ֆեյսբուքյան ընկերների ցանկում։

Դուք կարող եք նույնիսկ որոշել, թե Ձեր ընկերներից, ում գրառումները հայտնվեն լրահոսում առաջինը կամ ավելի հաճախ։ Այս ֆունկցիան ակտիվացնելու համար բացեք News Feed-ը, ապա Edit Preferences > Prioritize who to see first և ընտրեք համապատասխան ընկերների անունները։

2Ձեր էջը «ուրիշի աչքերով»

Հավանաբար քչերը գիտեն, որ հնարավոր է դիտարկել սեփական էջը ուրիշի աչքերով: Այսպիսով, Facebook-ում դուք կարող եք տեսնել ձեր անձնական էջը այնպես, ինչպես տեսնում են այն այլ օգտատերեր կամ ձեր ընկերներից ինչ-որ մեկը:  Գործառույթը փորձելու համար այցելեք Ձեր անձնական էջը և սեղմեք աջ անկյունի երեք կետերի վրա, ապա View as։ Բացված էջից կարող եք նույնիսկ ընտրել View as specific person տարբերակը և մուտքագրել ընկերներից մեկի անունը։

3Ձեր բոլոր գործողությունները

Այն ամենն, ինչ երբևէ հավանել կամ հրապարակել եք ցանցում, այսինքն, ձեր բոլոր գործողությունները հնարավոր է տեսնել Facebook-ում: Տեսնելու համար բացեք Ձեր անձնական էջը և աջ անկյունից սեղմեք եռանկյան վրա, ապա բացված ցանկից ընտրեք Activity Log-ը, որտեղ ըստ ամսաթվերի ու ժամերի դասակարգված են Ձեր բոլոր գործողությունները։

4Ընկերության պատմությունը

Եթե ցանկանում եք տեսնել ընկերների հին նկարները, հաճելի հիշողությունները կամ մեկնաբանությունները, ապա դրանք փնտրելու և ժամեր կորցնելու կարիք չկա: Բավական է նայել ընկերության պատմությունը, ընկերոջ էջից սեղմելով See friendship կոճակին։

5

 

 

 

 

Share.