Ինչու է նախընտրելի ներբեռնել Facebook-ի նոր Messenger Lite հավելվածը։

0

Ֆեյսբուքը վերջապես սկսել է գործարկել Messenger հավելվածի ավելի հեշտացված և քիչ հիշողություն պահանջող տարբերակը՝ Messenger Lite-ը։ Հավելվածի այս պարզեցված տարբերակում բացակայում են ավելորդ և լրացուցիչ ֆունկցիաները, ինչպես օրինակ խաղերի էջը ներքևում կամ Mesenger Day-ը և այլն։ Սակայն անհանգստության կարիք չկա, նոր հավելվածի միջոցով հնարավոր է ուղարկել լուսանկարներ, հղումներ ու ստիկերներ։

Ինչպես արդեն նշեցինք, Messenger Lite հաղորդագրային ծառայությունը հանդիսանում է Messenger-ի առավել «թեթև» տարբերակը։ Messenger Lite-ը նախատեսված է հիշողության ոչ մեծ ծավալ, թույլ պրոցեսոր, ինչպես նաև միացման ցածր արագություն ունեցող սմարթֆոնների համար:  Այն պահանջում է ընդամենը 20MB տարածություն  ի տարբերություն Messenger-ի 100MB-ի։ Բացի այդ ինտերնետին միացված լինելու ժամանակ այն օգտագործում է ավելի քիչ տվյալներ, ինչը նշանակում է, որ օգտվողները կարող են խնայել գումար։

Ֆեյսբուքը գործարկել է հավելվածի այս տարբերակը դեռևս 2016 թվականի հոկտեմբերից, սակայն այն սկզբնական շրջանում հասանելի էր միայն Քենիայում, Թունիսում, Մալազիայում, Շրի Լանկայում և Վենեսուելայում։ Ապրիլին հավելվածը գործարկվեց ավելի քան 132 երկրում։

213456

Հավելվածը, որը ներկայումս հասանելի է միայն Android սարքերի համար, սկզբնապես նախատեսված էր 2G կամ անկայուն ինտերնետ կապերով տարածքների համար: Իհարկե այն նախապես ստեղծվել էր այն երկրների համար, որտեղ հուսալի ինտերնետ  կապ չկա, սակայն այսուհետև այն հավասարապես կաշխատի այլ երկրներում, այդ թվում նաև ԱՄՆ-ում, Մեծ Բրիտանիայում, Կանադայում։

Messenger Lite-ի օգտատերը մի շարք երկրնեից արդեն իսկ հանդես են եկել դրական մեկնաբանություններով։

Ցավոք, iPhone-ի օգտվողները ստիպված կլինեն դեռևս սպասել, քանի որ Messenger Lite-ը դեռևս հասանելի միայն Android սմարթֆոնների համար։

Share.