Facebook-ը փորձարկում է բոլորիս կողմից երկար սպասված ֆունկցիա:

0

Facebook սոցիալական ցանցը փորձարկում է մի նոր գործառույթ, որը թույլ է տալիս օգտատերերին այլ օգտատերերի մեկնաբանությունների դեմ բացասական վերաբերմունք արտահայտել։ Նոր կոճակը կոչվում է «downvote» (թարգմանաբար նշանակում է «դեմ քվեարկել»)։

Ուսումնասիրվող նոր ֆունկցիան թույլ է տալիս օգտատերերին մեկնաբանություններին գնահատական տալ՝ իջեցնելով որևէ մեկանաբանության վարկանիշը, որի արդյունքում էլ հետևյալ մեկնաբանությունը այլևս չի երևա այն օգտատերի մոտ, ով սեղմել է «downvote» կոճակը։

Այս գործառույթի ստեղծման գլխավոր նպատակն է պայքարել այնպիսի մեկնաբանությունների դեմ, որոնք պարունակում են վիրավորանք, ապատեղեկատվություն կամ էլ քննարկվող թեմայի հետ ընդհանրապես կապ չունեն։

Նշենք նաև, որ նոր կոճակը ոչ մի կերպ չի ազդում like-երի քանակի նվազմանը։ Այսինքն, Downvote կոճակի սեղմումով՝ մեկնաբանության հավանությունների քանակը չի պակասի։

Ինչպես նշել են ընկերության ներկայացուցիչները նոր գործառույթը փորձարկվում է միայն ԱՄՆ-ում սահմանափակ թվով օգտատերերի շրջանակում, և դեռևս հայտնի չէ արդյո՞ք այս ֆունկցիան հասանելի կդառնա աշխարհի բոլոր օգտատերերի համար, թե ոչ։

DVi3u8JWkAEnwG_

Share.