Ինչպես օգտվել Facebook-ից առանց ինտերնետի

0

Այս օրվան մենք բոլորս երկար ենք սպասել։ Այժմ դուք կարող եք օգտվել Facebook-ից մետրոյում, հասարակական տրանսպորտում կամ նույնիսկ ինքնաթիռում: Facebook-ի այս նոր ֆունկցիան այժմ փորձարկման փուլում է և շուտով հասանելի կլինի բոլորի համար: Իհարկե այն հնարավորություն չի տալիս ձեզ լիարժեք մուտք գործել դեպի Facebook առանց ինտերնետի, սակայն դուք կկարողանաք տեսնել նորությունները և անգամ գրել մեկնաբանություններ կամ թարմացնել Ձեր գրառումները առանց ինտերնետ կապի։

Facebook-ի offline տարբերակը աշխատում է հետևյալ կերպ․ այն հավաքագրում և հիշում է ինֆորմացիան այն ժամանակ երբ միացած եք ինտրնետին: Երբ ձեր ինտերնետը բացակայում է կամ անջատվում է, Android-ի համար նախատեսված Facebook-ի հավելվածը` օգտագործելով համապատասխան ալգորիթմը շարունակում է ցույց տալ այն պատմությունները, որոնք դեռ չեք կարդացել։: Երբ դուք նորից եք միանում ինտերնետին ծրագիրը ներբեռնում է նոր հաղորդագրությունները և գրառումները, և ցուցադրում դրանք ինչպես սովորաբար։

Այս գաղափարը աշխատում է նաև մեկնաբանությունների և կարգավիճակի թարմացումների դեպքում: Նույնիսկ եթե անջատվեք ինտերնետից, դեռևս կկարողանաք մեկնաբանություններ գրել:

Facebook-360-ios

Offline ռեժիմում post-երով կիսվելը կամ դրանք հավանելը նույնպես հնարավոր է։ Դա զարմանալի չէ, քանի որ ակնհայտ փաստ է, որ Facebook-ը ցանկանում է ամեն կերպ իր օգտատերերին պահել ցանցում, նույնիսկ առանց ինտերնետի:

Բայց դա շահավետ է նաև օգտվողների տեսանկյունից: Հնարավորություն ունենալ շարունակել այն, ինչ անում էիք այդ պահին ցանցում առանց ինտերնետի օգտակար հատկություն է: Թույլ ինտերնետի պայմաններում կամ վայրերում որտեղ կապը վատն է, սա իսկապես անհրաժեշտ է։

Խոշոր ընկերությունները ինչպես օրինակ Google-ը կամ Facebook-ը ջանքեր չեն խնայում իրենց հավելվածներում ավելացնել offline ֆունկցիոն։

Share.