Facebook-ը դատապարտվել է օգտատերերի անձնական հաղորդագրությունները սկան անելու համար

0

Նյու-Յորք: Ուրբաթ օրը ԶԼՄ-ները հայտարարել են, որ ԱՄՆ-ի դատարան է ներկայացվել դատական հայց ընդդեմ Facebook-ի: Աշխարհահռչակ սոցիալական ցանցը անձնական հաղորդագրությունները սկան անելու պատճառով, մեղադրվում է ֆեդերալ օրենքների խախտման մեջ:

Տեխնոլոգիաների վեբկայք Verge-ը հաղորդում է, որ հայցը արդեն իսկ վավերացված է Հյուսիսային Կալիֆոռնիայի դատարանում: Վերջինս պնդում է, որ Facebook-ը, ներխուժելով մասնավոր հաղորդագրությունների համակարգ, հետևել է կայքի միջոցով ուղարկված բոլոր հղումներին: Այդ գործողություններով այն խախտել է էլեկտրոնային հաղորդակցության գաղտնիության օրենքը:

facebook0305eՀայցվորները վստահ են, որ Facebook- ը, պարբերաբար սկան անելով այդ հղումները և մնացած տվյալնները, ծառայեցրել է դրանք գովազդի և այլ նպատակների համար:

Սակայն սոցիալական ցանցը հայտարարել է, որ մասնավոր հաղորդագրությունները պարզապես ստուգվում են, իսկ URL տվյալները շարունակում մնալ անոնիմ:

Facebook-ը սկանինգից ստացած իր գրառումները համեմատեց The New York Times-ի ամենալավ վաճառված գրքերի մի ցանկի հետ… Տվյալները օգտագործվել են ինֆորմացիայի հայտնիությունը պարզելու համար:

Հավաքագրված տվյալները ընդունել որպես գաղտնիության խախտում կնշանակի ոտնահարել համակարգչային ծրագրավորման հիմնական օրենքնեը:

Մինչդեռ դատական գրառումները փաստում են, որ ընկերությունը շարունակում է պահպանել տվյալները, որոնք ուղարկված են անձնական հաղորդագրությունների միջոցով:

Դատապաշտպանը նշել է, որ Facebook-ի կողմից արձանագրված բոլոր տվյալները պահվում են անժամկետ և կարող են օգտագործվել ցանկացած նպատակներով Facebook-ի կամայական աշխատակիցների կողմից:

Տարիների ընթացքում կայքի գործելակերպը զգալիորեն փոխվել է: 2012 թ. պարզվել է, որ Facebook-ը ավելացնում է լայքերի քանակը յուրաքանչյուր անգամ, երբ հղումը ուղարկվում է մասնավոր հաղորդագրության միջոցով: Ահա և ապացույց, որը փաստում է, որ Facebook-ը օգտագործում անհատների պրոֆիլները:

Իհարկե բացահայտվելուց անմիջապես հետո Facebook-ը դադարեցրել է անձնական հաղորդագրությունների միջոցով լայքեր հավաքել, սակայն դեռևս շարունակում է հավաքագրել տվյալներ մասնավոր հաղորդագրություններից:

Share.