Facebook-ը փորձարկում է բազմալեզու գրառումներ անելու նոր ֆունկցիան

0

Ցանկանում ե՞ք բարելավել Ձեր լեզվական հմտությունները, կամ ստիպել Ձեր ընկերներին Google Translate-ում copy և paste անել այն ամենը, ինչ գրում եք: Փորձում ե՞ք լինել բարեկիրթ Ձեր միջազգային ընկերների հետ և շփվել նրանց հետ իրենց մայրենի լեզվով:

Facebook-ը սկսել է փորձարկել նոր առանձնահատկություն, որը թույլ է տալիս օգտատերերին ստեղծել գրառումները բազմաթիվ լեզուներով: Եվ դա չի նշանակում, որ ձանձրացնելու եք ձեր ընկերներին մի շարք թարգմանված հաղորդագրություններով, որոնք նույն բանի մասին, պարզապես տարբեր լեզուներով: Ստատուս գրելիս Facebook-ը գործի կդնի իր նոր «բազմալեզու կոմպոզիտորը» (multilingual composer) ։

«Որպեսզի օգնենք հեղինակներին բազմալեզու գրառումներ ստեղծել, մենք փորձարկում ենք pre-fill առանձնահատկությունը, որը վերցնում է նախնական գրառումը և թարգմանում այն ընտրված լրացուցիչ լեզուներով։ Հեղինակները կարող են օգտագործել այս թարգմանությունները որպես սկզբնական տարբերակ իրենց սեփական թարգմանությունների համար, կամ օգտագործեն տրամադրված տարբերակը, ինչպես որ կա։ Իհարկե, այդ մեխանիկական թարգմանությունը գեներացված է հարյուր հազարավոր կամ միլիոնավոր թարգմանություններից: Այն աշխատում է նույն համակարգով, որը առաջարկվում է Facebook-ի կողմից այլ վայրերում, ինչպես օրինակ, երբ տեսնում եք «See Translation» կոճակը հաղորդագրությունների և մեկնաբանությունների համար», – նշվել է Facebook-ի կողմից։

Ինչպես առաջարկում է Facebook-ը դուք հնարավորություն կունենաք խմբագրել արդեն իսկ թարգմանված տեքստը, սակայն միայն այն դեպքում, եթե Facebook-ի սեփական ավտոմատացված թարգմանությունը իմաստային առումով ճիշտ չէ: Կարելի է նաև հեռացնել թարգմանությունը եթե ցանկանում եք, որ գրառումը լինի միայն մեկ լեզվով։
508177-facebook-multilingual-composer

«Մենք օգտագործում ենք մի քանի ազդակներ՝ գրառման առավել համապատասխան տարբերակը յուրաքանչյուր դիտողին ցույց տալու համար։ Հաշվի առնելով լեզվի նախասիրությունները և աշխարհագրական դիրքը, ինչպես նաև լեզուն, որով նրանք առավել հաճախ կատարում են իրենց գրառումները։ Եթե չկա ոչ մի համընկնում գրառման լեզվի և դիտողների կողմից նախընտրած լեզուների միջև, ապա կցուցադրվի գրառման միայն առաջնային տարբերակը իսկ կարդացողները կորող են օգտագործել արդեն իսկ գոյություն ունեցող ‘See Translation’ գործիքը»,- նկարագրում է Facebook-ը։

Facebook-ի այս նոր առանձնահատկությունը ներկայումս աշխատում է բոլոր 45 լեզուներով: Ընկերությունն այժմ փորձարկում է այդ հնարավորությունը Facebook-ի մի շարք օգտատերերի account-ների վրա։

Share.