Facebook-ի օգտատերերի տեսակները. ո՞ր տիպին եք պատկանում Դուք

0

Համաձայն սոցիալական կայքերը ուսումնասիրող հոգեբանների՝ Facebook-ն ունի օգտատերերի 4 հիմնական տեսակ: Այդ տիպաբանությունը ստեղծվել է ուսումնասիրության մասնակիցներին մի շարք հոգեբանական թեստերի միջով անցկացնելու շնորհիվ:

Այսպիսով, ըստ նշված ուսումնասիրության՝ աշխարհում ամենամեծ՝ 2 միլարդ օգտատեր ունեցող կայքից օգտվում են հետևյալ 4 տիպի մարդիկ՝ hարաբերություններ կառուցողները, հայտարարություններ տարածողները, սելֆիները և   գնորդները:

Առաջին խմբի օգտատերերը արձագանքում են այլ մարդկանց գրառումներին ու նկարներին, որպեսզի ամրացնեն իրենց հարաբերություններն ու կապերը, որոնք գոյություն ունեն իրական կյանքում: Նրանց համար սոցիալական կայքը իրական կյանքի շարունակությունն է հանդիսանում, որտեղ նրանք կարող են արտահայտել իրենց մտքերն ու զգացմունքները:

Երկրորդ խմբի օգտատերերը՝ հայտարարություն տարածողները, ի հակադրություն առաջին խմբի, չեն կիսվում անձնական ինֆորմացիայով, այլ նախընտրում են կիսվել նորություններով և քննարկել, թե ինչ է կատարվում աշխարհում կամ կոնկրետ իրենց տարածաշրջանում:

Այս խմբի ներկայացուցիչները այլ մեթոդներով են հարաբերություններ պահպանում իրենց հարազատների ու ընկերների հետ:

stock-photo-hilversum-netherlands-january-facebook-is-an-online-social-networking-service-founded-170062403

Սելֆիները, ինչպես որ անվանումն արդեն ինքնին նշում է, Facebook-ում ինքնագովազդով զբաղվող մարդիկ են, որոնք անընդհատ տեղադրում են իրենց նկարները, հոլովակները, ոչ այնքան մարդկանց հետ շփվելու, որքան like-եր և ուշադրություն ստանալու համար:

Ըստ հոգեբանների՝ նման մարդիկ հաճախ բարդութավորված են և ունեն շրջապատի դրական վերաբերմունքը զգալու կարիք, որպեսզի կարողանան իրենց բավարարված զգալ:

Չորրորդ խմբի ներկայացուցիչները գնորդներն են, ում մասնագետները համեմատում են խանութների ցուցափեղկերն ուսումնասիրող մարդկանց հետ: Ինչպես հուշում է անվանումը, այս տիպի Faceobook օգտատերերը օգտագործում են սոցիալական կայքերը որպեսզի հետևեն այլ մարդկանց կյանքին:

Իսկ Դուք կարողացա՞ք կողմնորոշվել, թե որ տիպին եք պատկանում:

Share.