Firefox-ը առաջին անգամ անցել է Microsoft Edge-ին և Internet Explorer-ին

0

Ինչպես հաղորդում է StatCounter-ը, բրաուզերների միջև գոյություն ունեցող մշտական պատերազմը պատմական շրջադարձ է ունեցել ապրիլին, երբ Firefox-ը համաշխարհային շուկայում առաջին անգամ անցել է Microsoft Edge-ին և Internet Explorer-ին։

Համաշխարհային մակարդակով Firefox օգտագործողների քանակը կազմել է 15.6%, իսկ IE և Edge-ից օգտվողներինը միասին վերցրած ընդհամենը՝ 15.5%։ Իհարկե այս երեք բրաուզերները դեռևս շատ հետ են մնում Google Chrome-ից (60.5%), որը շարունակում է մնալ առաջատարը՝ ավելացնելով նորանոր օգտատերեր յուրաքանչյուր տարի։

Ըստ StatCounter-ի հրապարակված ապրիլյան արդյունքների, IE-ը կազմում է 12.25% ինչը նշանակում է, որ Edge-ը ինքն իրենով միայն ունի 3.25%։ Իհարկե վերջին տեղում գտնվող Opera-ից այն բարձր է, բայց ավելի քիչ քան Safari-ին 4.62%։

420105-the-best-browser-chrome-vs-ie11-vs-firefoxStatCounter-ը հստակորեն նշում է, որ tracking code-ը տեղադրված է ավելի քան 3 մլն կայքերի վրա և յուրաքանչյուր ամիս արձանագրում է ավելի քան 15 բիլլիոն էջի դիտումներ։ Սակայն այս տվյալները տարբերվում են Net Application-ի (մեկ այլ անալիտիկ ընկերություն) արդյունքներից։  Դրանք հետևյալն են. Internet Explorer՝ 41.33%, որը գրեթե հասնում է Chrome-ին (41.71%) սակայն շատ հեռու է Firefox-ից (10.06%)։

Net Application-ը իր մաշտաբներով ավելի փոքր ընկերություն է և հետևում է մոտավորապես 40,000 կայքի, սակայն այն հաշվի է առնում միայն յուրահատուկ այցերը, այսինքն մեկ օրվա մեջ մեկ այց կայքում։

Անկախ նրանից, թե շուկայի ուսումնասիրման համար որ մեթոդն է օգտագործվում, ակնհայտ է, որ Edge-ը չի բերել մեծ հաջողություններ Microsoft-ին։ Համապատասխանելով ժամանակակից վեբ-ստանդարտներին՝ արագ և թեթև բրաուզերը արժանացել է քննադատների գովասանքին: Պետք է հաշվի առնել, որ այն նաև պահանջում է Windows 10 OS-ի upgrade։

Մինչդեռ, Firefox ստեղծած Mozilla-ն արդեն իր սեփական ջանքերն է թափում, որպեսզի հասնի Chrome-ի հաջողությանը: Այն ներգրավվել է նաև խաղերի և IoT-ի ոլորտներում, և թարմացրել Firefox-ը 64-bit Windows օպերացիոն համակարգերից օգտվելու համար։

Share.