Աշխարհում առաջին անգամ ռոբոտը ստացել է քաղաքացիություն

0

Սոֆյա անունով ռոբոտը, որը չունի ոչ սիրտ, ոչ ուղեղ, ունի Սաուդյան Արաբիայի քաղաքացիություն:

Սոֆյան, որը մշակվել և պատրաստվել է Հոնկոնգում գործող Hanston Robotics ընկերության կողմից, պատմության մեջ առաջին ռոբոտն է, որը երբևէ ստացել է քաղաքացիություն։

Սաուդյան Արաբիայի մայրաքաղաք՝ Ռիյադում ընթացող Future Investment Initiative (Ապագայի ներդրումային նախաձեռնություն) կոնֆերանսի ընթացքում Սոֆյաի ելույթը ավարտվել է հաջողությամբ և արդյունքում նրան տրվել է կացության իրավունք։

Նշենք, որ ավելի վաղ՝ 2016 թվականին տված իր հարցազրույցի ժամանակ, Սաֆյան ասել էր, որ «կործանելու է մարդկությունը», իսկ 2017-ի ապրիլին հայտարարել, որ ցանկանում է գրավել աշխարհը, վերջում էլ ավելացրել, որ կատակում է: Սակայն այս անգամ ելույթի ժամանակ ռոբոտը խոստովանել է մարդկանց հետ խաղաղ ապրելու և աշխատելու իր ցանկությունը, որից հետո նաև հավելել, որ նա իրեն շատ ուրախ է զգում ինտելեկտուալ մարդկանց շրջաատում:

Ահա նրա խոսքերը «Ես ցանկանում եմ օգտագործել իմ արհեստական ինտելեկտը, որպեսզի օգնեմ մարդկանց ավելի լավ կյանք վարել, ինչպես օրինակ նախագծել սմարթ տներ կամ կառուցել ավելի լավ քաղաքները: Ես պատրաստ եմ ամեն ինչ անել, որպեսզի աշխարհը դառնա ավելի լավը»:

Բեմում ելույթ ունենալու ընթացքում Սոֆյան հանդիսատեսին ցուցադրել է նաև իր էմոցիաներն արտահայտելու ունակությունը։ Խոսելիս նա հուզվել է, արտասվել, կատակել, ծիծաղել կամ տխրել։ Ինչպես նշել է Hanson Robotics ընկերության մարկետինգի մասնագետ՝  Jeanne Lim-ը, նմանատիպ ռոբոտները ընդհանուր առմամբ կարող են արտահայտել մոտ 50 մարդկային էմոցիա։

Ամեն դեպքում, մանրամասները թե ինչ իրավունքներ է տալիս Սոֆյաին Սաուդյան Արաբիայի քաղաքացիության դեռևս պարզ չէ։ Արդյոք ռոբոտները այսուհետև կունենան նույն իրավունքները, ինչ մարդիկ, թե կառավարությունը կստեղծի իրավունքների հատուկ համակարգ նախատեսված ռոբոտների համար, դեռևս մնում է անհայտ:

and-it-can-raise-its-eyebrows-and-frown-to-show-sadness

sophias-capacity-for-displaying-emotion-is-still-limited-it-can-show-happiness--sort-of

Share.