Ներկայացվել Է աշխարհում առաջին ճկվող համակարգիչը։

0

Համակարգիչներ արտադրող հայտնի Lenovo չինական ընկերությունը Նյու Յորքում կայացած միջոցառման շրջանակներում պաշտոնապես ներկայացրել է ճկվող էկրանով առաջին նոթբուքը։

Ինչպես նշում է ընկերությունը իր հայտարարության մեջ, սա դեռևս նման համակարգչի նախատպին է, իսկ մեկնարկը կկայանա 2020 թվականին։

Նոթբուքի տեխնիկական բնութագրի մասին մանրամասն տեղեկություններ դեռևս չեն հրապարակվել։

Ընկերության ներկայացուցիչների խոսքով՝ նոթբուքի քաշը չի գերազանցում մեկ կիլոգրամը, սակայն ավելի ստույգ տվյալներ դեռևս չի հաջողվել բացահայտել:

Հայտնի է, որ սարքը համալրված է 13,3 դյույմանոց ճկվող OLED էկրանով, որն ունի 2К թողունակություն (1920 x 1440 պիքսել) և 4։3 կողմերի հարաբերակցություն։ Ինչպես նաև նշվում է, որ այն աշխատում է լիարժեք Windows 10 օպերացիոն համակարգով և ունի պրոցեսոր Intel-ից։

Ենթադրաբար, սարքը կարելի է բացած վիճակում օգտագործել որպես պլանշետ, իսկ ծալված վիճակում՝ որպես նոթբուք իր ներկառուցված ստեղնաշարով։ Բաց վիճակում սարքը ունի ավելի մեծ դիսփլեյ և տրամադրում է ավելի մեծ աշխատանքային տարածք, քան ստանդարտ նոթբուքերը։

Հիշեցնենք, որ վերջին շրջանում մի շարք ընկերություններ աշխատում են ծալվող սմարթֆոնների մշակման և արտադրութայն ուղղությամբ։ Ինչպես գիտեք, ավելի վաղ Samsung ընկերությունը արդեն ներկայացրել է Galaxy Fold սմարթֆոնը, որն հագեցած է երկու էկրանով՝ հիմնական և ճկվող։

Վերջինս պետք է վաճառքի հանվեր արդեն իսկ ապրիլ ամսվա վերջին, սակայն թեսթային սարքերի կոտրվելու պատճառով և լրագրողների բողոքներից հետո սմարթֆոնի վաճառքը հետաձգվել է։

 

 

Share.