Ծալվող ատրճանակը, որը նման է սմարթֆոնի անհանգստացում է ոստիկաններին

0

Երկփողանի ատրճանակը, որը ծալվում է, որպեսզի նմանվի սմարթֆոնի, անհանգստացում է ոստիկաններին:

Ատրճանակը, որը ստեղծվել է Minnesota startup Ideal Conceal-ի կողմից, ծալվում է՝ դառնալով ձեռքի ափի չափ: «Սմարթֆոններն այժմ ամենուր են և Ձեր ատրճանակը հեշտությամբ կմիախառնվի այսօրվա կյանքի միջավայրին: Փակված վիճակում այն իրապես անհնար կլինի նկատել»,- ասվում է սթարթափի կայքում:

Կազմակերպությունն ավելացնում է, որ ատրճանակը կարելի է հանգիստ կրել ամրացնելով հագուստին կամ պահելով դրամապանակի մեջ:

Այնուամենայնիվ, ատրճանակի նմանությունը սմարթֆոնի անհանգստացնում է ոստիկաններին:

«Ընդհանրապես, ցանկացած զենքի թաքնված կամ ոչ բացահայտ տեսք ունենալը անհանգստացնող է», – նշում է National Association of Police Organizations-ի գործադիր տնօրեն Բիլ Ջոնսոնը:

Ideal Conceal ատրճանակն ունի $395 արժողություն և ըստ կազմակերպության կայքի՝ հասանելի կլինի պատվերների համար 2016թ.ի կեսից: Համաձայն սթարթափի ներկայացուցիչների՝ իրենք արդեն ստացել են 2.500 նամակ պոտենցիալ գնորդներից:

Ideal Conceal-ը չի կարող կրակ արձակել փակված վիճակում:

Ատրճանակը, որն ունի երկու փամփուշտ ներդրված երկու փողերի մեջ,  իրենից ներկայացնում է 380-caliber-ի զենք, որն օգտագործում է ոչ հարվածային համակարգ:

Ըստ CNN Money-ի՝ ատրճանակը կրելու համար հնարավոր է անհրաժեշտ լինի թաքնված զենք կրելու թույլտվության ձեռքբերում՝ կախված նահանգից և տեղական օրենքներից, որոնք էապես տարբերվում են:

Ideal Conceal-ի կայքը հորդորում է սպառողներին անպայման ստուգել իրենց նահանգային օրենսդրությունը:

Share.