Ford-ը խելացի ապակի է ստեղծել, որի միջոցով կույր ուղևորները «կտեսնեն»

0

Ամերիկյան Ford ընկերությունը, համագործակցելով GTB Roma և Aedo-ի հետ, ստեղծել է «խելացի» ապակի, որը տեսողության հետ խնդիրներ ունեցող ուղևորներին հնարավորություն կընձեռնի տեսնել ավտոմեքենայի ապակուց այն կողմ երևացող պատկերը:

Այս նոր տեխնոլոգիան ստացել է Feel The View անվանումը։

Ընկերության իտալական ստորաբաժանում մշակված նոր տեխնոլոգիայի նախատիպը վիբրացիաներ հեռարձակելով թույլ է տալիս կույրերին ճամփորդության ընթացքում տեսնել բնապատկերը:

Վերջինս իրենից ներկայացնում է հատուկ բլոկ, որը ամրացվում է ապակու վերևի հատվածում։ Ինչպես ներկայացված է ընկերության կողմից հրապարակված տեսանյութում, հետին նստատեղում նստած՝ սահմանափակ կարողություններ ունեցող ուղևորը կարող է սեղմել համապատասխան կոճակին, որից հետո սարքը կլուսանկարի պատուհանից այն կողմ գտնվող բնապատկերը և կցուցադրի այն։

Նորույթը աշխատում է հետևյալ ձևով․ ստանում է իրական առարկաների պատկերները, ապա վերածում դրանք սև ու սպիտակ պատկերների։ Որից հետո փոխակերպված մոնոխրոմ պատկերը ցուցադրվում է ապակու վրա վիբրացիայի միջոցավ։ Մոխրագույնի յուրաքանչյուր երանգին համապատասխանեցնում է վիբրացիայի իր տեսակը, որոնց թիվը, ընդհանուր առմամբ, կազմում է 255։

Այսպիսով, ինչպես պնդում են է Feel The View տեխնոլոգիան մշակած գիտնականները, տեսողական խանգարումներ ունեցող մարդիկ շնորհիվ այս սարքի կկարողանան տեսնել, թե ինչ տեսք ունի իրենց շրջապատող լանդշաֆտը։

Իսկ Ford ընկերության ներկայացուցիչների խոսքով այս նոր տեխնոլոգիան կույր մարդկանց հնարավորություն կտա վերածել ճանապարհորդությունը «անմոռանալի արկածի»:

Ցավոք, ընկերություն դեռևս չի հաղորդել բոլոր մանրամասները իր նորույթի մասին։ Հայտնի չէ նաև, թե արդյոք Ford-ը պատրաստվում է ստեղծվել տեխնոլոգիայի սերիական տարբերակը, թե ոչ:

4db48b2ed56c12787988e77b3d450de3.jpg

Share.