Մոռացեք լիցքավորման լարը, ահա Wi-Charge անլար լիցքավորման համակարգը

0

Աշխարհը օրեցօր փոխակերպվում է և բջջային տեխնոլոգիաները`սմարթֆոնները, պլանշետներ, անլար սենսորներ, կազմում են մեր ամենօրյա կյանքի մի մասը։ Ահա ևս մի նոր տեխնոլոգիա, որը առանց լարի կլիցքավորի սենյակում գտնվող բազմաթիվ սարքեր հաղորդիչների օգնությամբ, որոնք էլ թաքնված կլինեն լույսի աղբյուրներում։

Մի քանի տարի անց անլար լիցքավորման սարքերը դառնալու են հասարակ երևույթ։ Այս ուղղությամբ արդեն իսկ աշխատում է Wi-Charge ընկերությունը։

wi-charge-infrared-charging-3750

Ընկերությունը նախատեսում է տեղադրել հաղորդիչներ լույսի աղբյուրներում, որոնք կտարածեն ինֆրակարմիր ճառագայթներ սենյակում և ավտոմատ կերպով կլիցքավորեն սենյակում գտնվող բոլոր սարքավորումները միանգամից։ Պատկերացրեք խանութում կամ տանը, կամ նույնիսկ օդանավակայանի սպասասրահում Ձեր հեռախոսը ինքնուրույն կլիցքավորվի:

Wi-Charge համակարգը հաղորդիչների օգնությամբ էներգիան փոխակերպում է ինֆրակարմիր լույսի, որից հետո այդ ճառագայթը հասնում է էլեկտրոնային սարքին, որտեղ այն լույսից կրկին փոխակերպվում է էներգիայի։ Նշենք նաև, որ ինֆրակարմիր լույսը անտեսանելի լույս է, և ի տարբերություն այլ մագնիսական ռեզոնանսային անլար համակարգերի չի արձակում ճառագայթ կամ ռադիացիա։

Եթե սմարթֆոնը կամ մնացած սարքերը չունեն ներկառուցված ինֆրակարմիր լույս ստացող համակարգ, ապա դա հեշտությամբ հնարավոր է կցել սմարթֆոնին հեշտությամբ։ Օրինակ պատյանի միջոցով։

498903ebefe914fb2d85996e577a8d9c13109e12

Չնայած որ այս ինֆրակարմիր լիցքավորումը ասես հրաշք տեխնոլոգիա է, Wi-Charge-ը նախատեսված չէ բոլոր սարքերի համար: Ինդուկցիոն լիցքավորումը ինչպես Qi ստանդարտը կամ մագնիսական լիցքավորումը ինչպես Rezence-ը, ավելի արդյունավետ են մեծ և հզոր սարքեր (օրինակ էլեկտրական մեքենաներ) լիցքավորելու համար:

Ինչպես ինֆրակարմիրը լուսը ընդհանրապես, Wi-Charge լիցքավորման համակարգը կենտրոնացված է փոքր էլեկտրոնիկայի ուղղությամբ։ Այսինքն այն ունակ է լիցքավորել ձեր պլանշետը, նոթբուքը, հեռախոսնը և նման մանր սարքեր:

Share.