Ներկայացվել է ինքնաթիռի և գնացքի հիբրիդ։

0

Ֆրանսիական Akka Technologies ընկերությունը, որը զբաղվում է ինժեներական տեխնոլոգիաներով, մշակել է ոչ ստանդարտ տրանսպորտային միջոց, որը ստացել է Link & Fly անվանումը։

Վերջինս իրենից ներկայացնում է ինքնաթիռի և գնացքի հիբրիդ։

«Link & Fly» ինքնաթիռ-գնացքի եզակիությունը կայանում է նրանում, որ պարկուճը գործում է երկաթուղային կառամատույցում և կարող է ծառայել, որպես վագոն մարդկանց կամ բեռների տեղափոխման համար:

Իր չափերով Link & Fly-ը կարելի է համեմատել Airbus A320 ինքնաթիռի հետ։ Օդանավի թևերի բացվածքը 49 մետր է, երկարությունը՝ 34 մետր, իսկ բարձրությունը՝ 8 մետր։ Յուրօրինակ տրանսպորտային միջոցը նախատեսված է 160 ուղևորի համար:

Akka Technologies-ը հույս ունի, որ այս նախագծի շնորհիվ ավիափոխադրումների հանդեպ հետաքրքրությունը կաճի։

Ընկերությունը կարծում է, որ իրենց ստեղծած նոր տրանսպորտային միջոցը հնարավորություն կտա բեռնաթափել ծանրաբեռնված խոշոր տրանսպորտային երթուղիները, ինչպես նաև կբարձրացնի օդային ճանապարհորդության գրավչությունը:

Բացի այդ ուղևորները ստիպված չեն լինի օդանավակայանից նշանակավայր հասնել մեկ այլ տրանսպորտային միջոցով կամ ինքնուրույն, քանի որ «Link & Fly»-ը վայրէջքի ժամանակ կարողանում է հեռացնել (հավաքել) թևերը և շարունակել հետագա ճանապարհը, որպես սովորական գնացք:

Ինչպես գիտեք, սովորաբար, օդանավակայանները տեղակայված են լինում բնակավայրերից հեռու՝ արվարձաններում, այնպես որ ինքնաթիռ-գնացքը գոյությունը կարող է դարձնել ճանապարհորդության ընթացքը առավել հարմարավետ։

Նոր տրանսպորտային միջոցին ծանոթանալու համար կարող եք դիտել ընկերության կողմից հրապարակված տեսանյութը YouTube-ում։

Share.