Ինչպես տեղ ազատել համակարգչի կոշտ սկավառակում

0

Այսօր, հնարավոր է կոշտ սկավառակներ ձեռք բերել 2 TB ազատ տեղով: Բայց չնայած չափսին, միշտ կոշտ սկավառակի տեղը որոշ ժամանակ անց լցվում է: Երբ ձեր համակարգչի կոշտ սկավառակը ծանրաբեռնված է, համակարգչի աշխատանքը դանդաղում է:

Ահա մի քանի խորհուրդներ, որոնք կօգնեն տեղ ազատել կոշտ սկավառակում:

Տեղ ազատելու խորհուրդներ

  1. Օգտագործեք Ավանդական Գործիքները. Կոշտ սկավառակում տեղ ազատելու հեշտ տարբերակներից մեկը՝CleanMyPC գործիքն օգտագործելն է: Այս գործիքը ավտոմատ կերպով կմաքրի համակարգիչը ավելորդ ֆայլերից և կկատարելագործի համակարգչի աշխատանքը: Կարող եք նաև օգտագործել Clean Uninstaller, որը նույնպես մաքրում է համակարգը ավելորդ ֆայլերից:
  2. Սկավառակի Մաքրում.Windows-ն ունի Disk Cleanup գործիք, որը կարող է ժամանակավոր ֆայլեր ջնջել ձեր համակարգչից, ազատելով տեղ՝ կոշտ սկավառակում:  Disk Cleanup-ը նաև մաքրում է համակարգիչը անցանկալի ֆայլերից: Disk Cleanup-ը օգտագործելու համար անհրաժեշտ է մտնել My Computer և այնտեղից ընտրել այն սկավառակը, որն ցանկանում եք մաքրել: Ապա աջ կլիկ արեք այդ սկավառակի վրա և սեղմեք “Properties.” Հիմա սեղմեք “Disk Cleanup” տարբերակը: Կարող եք տարբեր տեսակի ֆայլեր ընտրել, որոնք ցանկանում եք ջնջել ձեր համակարգից, տեղ ազատելու համար: Կարող եք նաև համակարգի ֆայլեր ջնջել: Դրա համար սեղմեք “Cleanup system files” կոճակը: Եթե ցանկանում եք հեռացել համակարգի վերականգման տվյալները, ապա պետք է սեղմեք “More” տարբերակները: Հիմա “System restore and shadow copies”-ի ներքևում սեղմեք “Cleanup” կոճակին:
  3. Ապատեղադրել Անցանկալի Ծրագրերը:Հնարավոր է ձեր համակարգչում լինեն ծրագրեր, որոնց այլևս չեք օգտագործում: Այս ծրագրերը գտնելու համար սեղմեք Control Panel > Programs > Programs and Features: Հիմա կարող եք նայել ծրագրերի ցուցակին, և որոշել, որ ծրագիրն ջնջել: Կարող եք տեսնել նաև, թե յուրաքանչյուր ծրագիրը որքան տեղ է զբաղեցնում համակարգում: Ծրագիրը ջնջելու համար անհրաժեշտ է աջ կլիկ անել և սեղմել “Uninstall” տարբերակը: Այս քայլով կջնջեք ընտրած ծրագիրը համակարգից:
  4. Մաքրել Ժամանակավոր Ֆայլերը:Եթե տարբեր բրաուզերներ եք օգտագործում, ասենք Firefox կամ Chrome, ապա ժամանակավոր ֆայլերի թիվը շատ մեծ կլինի ձեր համակարգում: Ջնջելով այս անցանկալի ֆայլերը մեծ տեղ կազատեք կոշտ սկավառակում: Ցանկալի է օգտագործել CCCleanup-ը, համակարգչից ժամանակավոր ֆայլերը հեռացնելու համար:
  5. Հեռացրեք Անցանկալի Ֆայլերը Ձեր Համակարգից.Մարդիկ սովորություն ունեն պահելու ոչ անհրաժեշտ ֆայլեր իրենց համակարգչում: Եթե ցանականում եք մաքրել ձեր համակարգիչը անցանկալի և ավելորդ ֆայլերից, ապա փնտրեք ավելորդ ֆալեր համակարգչում՝ նկարներ, վիդեոներ, փաստաթղթեր և ազատվեք նրանցից: Կարող եք նաև նմանատիպ ֆայլերը պահել Dropbox-ում:

Կարևոր է, որպեսզի ձեր համակարգիչը ազատ տեղ ունենա, քանի որ համակագչի լավ աշխատանք կատարելը կախված է կոշտ սկավառակի ծանրաբեռնվածությունից:

Share.