Ամբողջ Եվրոպայի տարածքում անվճար հանրային Wi-Fi-ը շուտով կդառնա իրականություն

0

Այս ծրագրի շրջանակներում անվճար Wi-Fi-ը հասանելի կլինի հանրային բոլոր զբոսայգիների, շենքերի, հրապարակների և գրադարանների մոտակայքում:

Առաջիկա չորս տարիների ընթացքում Եվրոպական հանձնաժողովը մտադիր է անվճար Wi-Fi-ը հնարավոր դարձնել Եվրոպական միության ողջ հանրային տարածքներում։

Եվրոպական Միության գործադիր նախագահ Ժան-Կլոդ Յունկերը ներկայացրել է Եվրոպական հանձնաժողովի այս նոր ծրագիրը, որի բյուջեն կազմում է 120 մլն €։ Այն թույլ կտա պետական մարմիններին կառուցել անլար ինտերնետի կետեր զբոսայգիների, հրապարակների, գրադարանների և այլ շինությունների շրջակայքում։

«Յուրաքանչյուր ոք օգուտ կքաղի այս նորամուծությունից, անկախ նրանից, թե որտեղ եք ապրում, կամ որքան եք վաստակում», – նշել է Յունկերը։ «Այնպես որ, այսօր մենք առաջարկում ենք սպառազինել եվրոպական ցանկացած գյուղ և յուրաքանչյուր քաղաք անվճար անլար ինտերնետով (հիմնական հասարակական վայրերում) մինչև 2020 թվականը»։

120 մլն € ֆինանսավորումը կօգնի հոգալ սարքավորումների և դրանց տեղադրման ծախսերը, իսկ հանրային մարմինները պարտավորված կլինեն վճարել սարքավորումների և ամսական բաժանորդագրման գումարը։

Եվրոպական հանձնաժողովը նաև առաջարկել է լիարժեք 5G mobile network (բջջային ցանց) Եվրոպական Միության տարածքում մինչև 2025 թվականը։ 2025 թվականի համար նախատեսված լրացուցիչ նպատակները ներառում են՝

  • 100 Mbps նվազագույն ներբեռման արագություն բնակավայրերում
  • 1 Gbps նվազագույն ներբեռման արագություն հիվանդանոցների, ադմինիստրատիվ շենքերի և այլ հանրային ծառայությունների համար, որոնք օգտագործում են թվային տեխնոլոգիաներ
  • Չընդհատվող 5G հասանելիությունն բոլոր խոշոր ճանապարհների և երկաթգծերի համար

Յունկերը նաև նշել է, որ հասարակությունը կարող է ակնկալել նախորդ նախագծի բարելավված տարբերակը, քանի որ Եվրամիությունը խոստացել է վերացնել ռոումինգը հաջորդ շաբաթվա ընթացքում։

«Ճամփորդելիս պետք է զգաք Ձեզ ինչպես տանը», – ասել է նա:

paris-euwifi0916

Սակայն այս առաջարկությունը դեռևս պետք է հաստատվի է Եվրոպական խորհրդարանի և ազգային նախարարների կողմից:

Share.