Ինչպե՞ս տեղ ազատել ծանրաբեռնված համակարգչում

0

Համակարգչից երկար ժամանակ օգտվելու ընթացքում Դուք կզգաք, որ տեղադրել եք բազմաթիվ ծրագրեր և պահպանել ֆայլեր, որոնցից, իրականում, չեք օգտվում: Սակայն դրանք կուտակվելով գնալով ավելի ու ավելի շատ են զբաղեցնում և դանդաղեցնում համակարգչի աշխատանքը: Երբ hard drive-ը ամբողջովին լցվում է, Ձեր համակարգիչը հրահանգում է տեղ ազատել սահուն աշխատանքի ապահովման համար:

Այս հոդվածում կներկայացնենք Ձեզ, թե ինչ կարող եք անել նման դեպքում:

Ջնջել մեծ ֆայլերը

  1. Սեղմե՛ք Windows-ի “Start” կոճակին և նշե՛ք “Documents”:
  2. Սեղմե՛ք “More Options” պատուհանի վերևի աջ անկյունից և նշե՛ք “List” view: Դա Ձեզ թույլ կտա տեսնել ֆայլերի մասին ինֆորմացիան՝ ներառյալ դրանց չափերը:
  3. Սեղմե՛ք “Size” column-ին, որպեսզի դասավորեք դրանք ըստ չափի: Ամենամեծ ֆայլերը, որոնք շատ տեղ են զբաղեցնում կերևան սկզբում: Սովորաբար, դրանք լինում են վիդեոները և երաժշտությունը:
  4. Աջ-քլիք արե՛ք այն ֆայլերի վրա, որոնք Ձեզ անհրաժեշտ չեն և նշե՛ք “Delete” context menu-ից, որպեսզի ջնջեք դրանք:

Clean-Win-10

Ջնջել չօգտագործվող ծրագրերը

  1. Սեղմե՛ք Windows-ի “Start” կոճակը և նշե՛ք “Control Panel”:
  2. Սեղմե՛ք “Uninstall a Program” Programs բաժնի ներքևում, որպեսզի տեսնեք Ձեր համակարգչի բոլոր ծրագրերը:
  3. Սեղմե՛ք “Size” column-ին, որպեսզի ծրագրերը դասավորեք ըստ չափի: Տեսե՛ք, թե որոնք են ամենաշատ տեղը զբաղեցնում:
  4. Սեղմե՛ք այն ծրագրի անվանումին, որը Ձեզ այլևս պետք չի և քլիք արե՛ք “Uninstall” կոճակին, որպեսզի ջնջեք այն:
  5. Կրկնե՛ք նույն գործողությունը մյուս ծրագրերի համար:

Կիրառել  Disk Cleanup

  1. Սեղմե՛ք Windows-ի “Start” կոճակին և գրե՛ք “disk cleanup” Search դաշտում:
  2. Սեղմե՛ք “Disk Cleanup”, որպեսզի բացեք հավելվածը:
  3. Եթե ունեք մեկից ավել hard drive, ապա համակարգիչը կհարցնի Ձեզ, թե որն եք ցանկանում մաքրել: Ընտրե՛ք այն և սեղմե՛ք “OK”:
  4. Նշե՛ք այն ֆայլերը, որոնք ցանկանում եք ջնջել:
  5. Սեղմե՛ք “OK”, այնուետև “Delete Files” որպեսզի հաստատեք Ձեր որոշումը: Disk Cleanup-ը Ձեր համակարգչից կհեռացնի նշված ֆայլերը:
Share.