Samsung-ի վերաթողարկված Galaxy Note 7 R-ը կվերադառնա շուկա։

0

Այս սմարթֆոնը հնարավոր է, որ Ձեզ արդեն իսկ ծանոթ է, որպես Galaxy Note 7R կամ Galaxy Note FE՝ Fan Edition։ Եվ Samsung ընկերությունը պատրաստ է այն վերաթողարկել շուտով։ Թե արտաքնապես ինչ տեսք կունենա սմարթֆոնը մինչ այժմ մնում էր անհայտ։ Սակայն օրերս համացանցում հայտնվել են Galaxy Note 7-ի՝ չպայթող տարբերակի մի շարք պատկերներ։ Վերջինս իր դիզայնով գրեթե նույնն է, ինչ նախորդը, սակայն մեկ տարբերությամբ․ այս նոր մոդելը անկասկած չի պայթի Ձեր ձեռքերում։

DroidHolic-ի կողմից հրապարակված պատկերները ակնհայատորեն ցույց են տալիս, որ Galaxy Note 7-ը շատ նման է բնօրինակին։ Սակայն, ավելի մանր զզնելու արդյունքում կարող եք նկատել “R” տառը հեռախոսի հակառակ կողմի՝ ներքևի աջ անկյունում:

galaxy-note-7r-china-2

«R»-ը ամենայն հավանականությամբ նշանակում է, որ հեռախեսը վերանորոգված է կամ այսպես ասած refurbished։ Որոշ աղբյուրներից հայտնի է դարձել է, որ Galaxy Note 7R-ը արդեն իսկ վաճառվում է Չինաստանում, չնայած այն հանգամանքին, որ Samsung-ը դեռևս պաշտոնապես չի հայտարարել այս հեռախոսի փաստացի մեկնարկի և վաճառքի մասին։

Ստորև ներկայացված պատկերները ուղղակի իրատեսական ռենդեռներ չեն, այլ իրական կյանքում՝ հեռախոսով արված լուսանկարններ։ Ինչը նշանակում է, որ վերջիններս օրինական են և համապատասխանում են իրականությունը։ Ցավոք, չկան այլ պատկերները, որոնք ինֆորմացիա կտրամադրեն հեռախոսի մարտկոցի և այլ առանձնահատկությունների մասին։

galaxy-note-7r-china-1

Ինչպես նշեցինք, սարքի առանձնահատկությունների մասին տեղեկատվություների շատ չեն։ Այն ինչ գիտենք, հետևյալն է․ մարտկոցի հզորությունը 3200 mAh, պրոցեսորը՝ Exynos 8890, 4GB RAM և 64GB ներքին հիշողություն։ Ամենայն հավանականությամբ առանձնահատկությունները պետք է լինի նույնը, ինչ նախորդ տարբերակում։

Ընդ որում, Samsung-ը հաստատել է, որ ընկերությունը պատրաստվում է մեկնարկել վերանորոգված Galaxy Note 7-ը մինչև Galaxy Note 8-ի հայտնվելը շուկայում, սակայն չի նշել, թե երբ Galaxy Note 7 R-ը փաստացի առկա կլինի խանութներում։

Share.