Սոցիալական կայքերում տարածվող խաղը ինքնասպանության է հասցնում դեռահասներին

0

2017թ.-ի կեսերին ռուսալեզու ինտերնետում լուրեր հայտնվեցին այն մասին, որ «ВКонтакте» սոցիալական կայքում տարածում է գտել մի խաղ, որը մասնակիցներին մղում է ինքնասպանության: Խաղը կոչվում է «Синий кит» և տարածվում է հիմնականում #синийкит հեշթեգով (ինչպես նաև #явигре, #тихийдом, #синий, #синей):

Այն բանից հետո, երբ մասնակիցը այդ հեշթեգով հրապարակում է անում, նրա հետ կապ է հաստատում խաղն ուղղորդող անձանցից մեկը և բացատրում օրենքները՝ ոչ մեկին չպատմել խաղի մասին, միշտ կատարել առաջադրանքները, որոնք լինելու են 50-ը առաջիկա 50 օրերի ընթացքում: Նշվում է նաև, որ կանոնները խախտելու դեպքում մասնակցին վատ հետևանքներ են սպասվում:

Առաջադրանքները հիմնականում կապված են մասնակցի ինքն իրեն ֆիզիկական վնաս հասցնելու կամ վախի զգացում առաջացնելու հետ, ինչպես օրինակ ձեռքին ածելիով որևէ բան նկարել կամ ամբողջ օրը սարսափ վիդեոներ դիտել:

Վերջին 50-րդ առաջադրանքը ինքնասպանությունն է: Լինում են նաև այնպիսի առաջադրանքներ, ինչպիսիք են օրինակ վազելով կտրել-անցնել փողոցը մեքենաների երթևեկության ընթացքում և նկարահանել դա: Եթե առաջադրանքը չի կատարվում, ապա խաղն ուղղորդողը սպառում է, որ կսպանի դեռահասի ծնողներին:

Սոցիալական կայքերը փորձում են պայքարել չարաբաստիկ խաղի դեմ: Մասնավորապես, «ВКонтакте»-ն բլոկ է անում բոլոր  վերոնշյալ հեշթեգերը կիրառող օգտատերերին, իսկ  Instagram-ը խոստացել է զբաղվել այդ խնդրով:

Share.