Մարդիկ այժմ կարող են ընտրել իրենց ապագա երեխայի գեները

0

Հետազոտությունը կարևորությունը կայանում է նրանում, որ դրա շնորհիվ հնարավոր կլինի վերացնել այն գեները, որոնք պատասխանատու են ժառանգական հիվանդությունների համար:  Սակայն, ինչպես, միշտ դա հարցի միայն մեկ՝ դրական կողմն է և ամեն ինչ, իրականում, այնքան էլ միանշանակ չէ:

ԱՄՆ-ի գիտնականները առաջին անգամ կարողացել են գենետիկորեն մշակել մարդկային էմբրիոնը, որը տեսականորեն  կարող էր հետագայում դառնալ լիարժեք մարդ՝ համաձայն Օրեգոնի Առողջության և գիտության համալսարանի (OHSU) հետազոտող խմբի:

Նման փորձ առաջին անգամ չէ, որ կատարվել է աշխարհում, սակայն սա առաջին անգամն է, որ այն ունեցել է բարձր արդյունավետություն և պսակվել է հաջողությամբ: Սակայն մի քանի օր անց էմբրիոնները վերացվել են:

33512

Բանը նրանում է, որ հարցը շատ խորը և վիճելի խնդիրներ է պարունակում: Օրինակ՝ որոշ երկրներ ստորագրել են կոնվենցիա, ըստ որի  նման փորձերը արգելվում են, քանի որ դա կարող է հանգեցնել մի իրավիճակի, երբ մարդիկ կսկսեն ձգտել <<դիզայներական>> երեխաներ ունենալուն:

Օրեգոնում հետազոտությունը թույլատրվել է այն պայմանով, որ գիտնականները չպետք է այն ավարտի հասցնեն: Հետազոտության ղեկավարը Շուքրաթ Միթալիպովի խոսքերով իրենց ուսումնասիրությունը կատարվել է CRISPR կոչվող տեխնոլոգիայի միջոցով, որը նոր հորիզոններ է բացում գենետիկ բժշկության համար՝ թույլ տալով արագ և արդյունավետ կերպով <<խմբագրել>> մարդկային գեները:

CRISPR-ը աշխատում է որպես մոլեկուլյար մկրատ, որը կարող է անցանկալի գեները փոխարինել նոր ԴՆԹ-ներով:

Share.