Գերմանիան ճանաչել է հայոց ցեղասպանությունը չնայած թուրքական բողոքի ալիքին

0

Գերմանիայի խորհրդարանը հաստատել է բանաձևը, որն ընդունում է, որ հայերի մասսայական կոտորածները Օսմանյան թուրքերի կողմից Առաջին աշխարհամարտի ընթացքում ցեղասպանություն է:

Ըստ BBC-ի՝ այս քայլը սրել է գերմանա-թուրքական հարաբերությունները մի ժամանակաշրջանում, երբ Գերմանիան ունի Թուրքիայի կարիքը փախստականների խնդրի լուծման հարցում: Թուրքիան հետ է կանչել իր դեսպանին և սպառնացել հետագա գործողություններով: Թուրքիայի նախագահ Ռեջեփ Թայիթ Էրդողանը հայտնել է, որ դեսպանի հետկանչի միայն առաջին քայլն էր և թուրքական կառավարությունը կարող է այլ միջոցներ ևս ձեռնարկել՝ ի պատասխան Գերմանիայի խորհրդարանի քայլին: «Մենք անելու ենք ամեն հնարավորը այս խնդիրը լուծելու համար» – ասել է նա:

4843d83f-4467-4cfd-95b7-748210b6e709Թուրքիայի վարչապետ Բինալի Յիլդիրիմը իր հերթին մեղադրել է «ռասիստ հայկական լոբբիին» ընդունված բանաձևի համար: Իսկ Հայաստանի Արտաքին գործերի նախարար Էդվարդ Նալբանդյանը հայտնել է, որ Գերմանիայի քայլը կարևոր ներդրում է հայոց ցեղասպանության միջազգային ճանաչման և դատապարտման հարցում: Գերմանիայի կանցլեր Անգելա Մերկելը նշել է, որ շատ բաներ են կապում Գերմանիային և Թուրքիային, և եթե անգամ նրանց տեսակետները տարբերվում են որևէ կոնկրետ հարցի վերաբերյալ, միևնույն է նրանց միջև եղած ստրատեգիական կապերի և բարեկամության խորությունը չափազանց մեծ է մնում:

Ավելի քան 20 երկրներ, այդ թվում Ֆրանսիան և Ռուսաստանը, ինչպես նաև Հռոմի պապը, ճանաչել են 1915թ իրադարձությունները որպես ցեղասպանություն:

Թուրքիան մերժում է, որ Առաջին համաշխարհային պատերազմի տարիներին իրականացվել է հայերին՝ որպես էթնիկ խմբի, վերացման քաղաքականություն: Նա փաստարկ է առաջ բերում, ըստ որի Օսմանյան կայսրության փլուզման շրջանում նաև շատ թուրքեր են զոհվել:

1f89de86-81b9-4cbf-8b53-37d781331e5eԱնգելա Մերկելը ներկա չի եղել Բունդեսթագում քվեարկության ժամանակ, սակայն նրա՝ Քրիստոնյա-դեմոկրատ կուսակցության ներկայացուցիչները, ինչպես նաև սոցիալ-դեմոկրատները և կանաչները կողմ են քվեարկել բանաձևի ընդունմանը՝ կազմելով մեծամասնություն:

Ինչպես հաղորդում է գերմանական ARD news-ը՝ քվեարկությանը նախորդող փուլում գերմանացի խորհրդարանականները թուրքերի կողմից ճնշման ալիքի տակ են հայտվել՝ ստանալով սպառնացող և վիրավորող նամակներ: Բանաձևը նաև ընգծում է, որ Գերմանիան ևս կրում է պատասխանատվության մասնաբաժին կատարվածը չկանխելու համար՝ որպես Օսմանյան կայսրության դաշնակից:

_82293562_armenboyafpԹուրքիայի արտաքին գործերի նախարարը մեղադրել է Բեռլինին իր մութ անցյալից ուշադրությունը շեղելու փորձի մեջ՝ ակնարկելով նացիստական ժամանակաշրջանը: Սակայն գլխավոր հարցը գլոբալ տեսանկյունից մնում է այն, թե ինչպես կազդեն այս իրադարձությունները Եվրոպայում փախստականների ճգնաժամի խնդրի լուծման վրա:

Չնայած դիվանագիտական հարաբերություններ լարվածությանը BBC-ն հույս է հայտնում, որ Թուրքիայի-ԵՄ համագործակցությունը փախստականների հարցով չի խորտակվի:

Մարտ ամսին Թուրքիան համաձայնել էր ընդունել փախստականներին, այդ թվում նաև Սիրիայից, որոնք ժամանում էին հունական կղզիներ, ԵՄ-ի կողմից օգնության և մի շարք եվրոպական երկրների հետ առանց վիզայի ռեժիմի հաստատման դիմաց: Գերմանիան անցյալ տարի ընդունել էր 1.1 միլիոն փախստական, որը ԵՄ-ում ամենամեծ ներհոսքն էր:

Share.