Ապացույց, որ iPhone 8-ը ամբողջովին ապակուց է լինելու

0

Լուրերն այն մասին, որ iPhone 8-ը ունենալու է ապակյա կորպուս, արդեն վաղուց են պտտվում: Ավելի կոնկրետ նշվում է, որ սմարթֆոնն ունենալու է մետաղական հիմք, սակայն բացի էկրանից  հեռախոսի հետևի մասը ևս լինելու է ապակեպատ:

Հայտնի է նաև, որ Apple-ը հրաժարվել է ալյումինից, որպեսզի հնարավոր լինի ապահովել iPhone-ի ամենասպասված հատկանիշներից մեկը՝ անլար լիցքավորումը:

apple-horizon-machine

Չնայած, որ բարդ է պատկերացնել ամբողջովին ապակե հեռախոս, մասնավորապես դրա կայունության տեսանկյունից, սակայն Apple-ի վերջերս կատարած քայլը կարծես թե հանդիսանում է այս լուրերի իսկության ապացույցը: Բանը նրանում է, որ կազմակերպությունը հաստատել է նորությունը այն մասին, որ 25 երկրների շուրջ 400 տեխնիկայի վերանորոգման կենտրոններում տեղադրում է հատուկ iPhone-ների էկրանների համար նախատեսված նորոգման սարքեր:

Horizon Machine կոչվող սարքերը կարողանում են փոխել iPhone-ի Touch ID մատնահետքի սենսորը, ստուգել touch համակարգի ֆունկցիոնալությունը և գնահատել էկրանի աշխատանքը: Դա արվում է Apple-ի software-ի և նորոգող սարքի hardware-ի միջև հաստատված հաղորդակցության արդյունքում: Այսպիսով, 10-12 րոպե սարքը «խոսում է» սմարթֆոնի հետ, հայտնաբերում թերությունները  և շտկում դրանք:

apple-horizon-machine-2

Apple-ի ներկայացուցիչը նշում է, որ իրենք ամեն ինչ անում են, որպեսզի iPhone օգտատերերը ապահովված լինեն իրենց արտադրանքը նորոգելու լավագույն հնարավորությամբ և վստահ լինեն, որ նորոգումից հետո իրենց սարքերը կգտնվեն նույն վիճակում, ինչ որ գնելիս էին:

Share.