Սմարթֆոնների տեսախցիկների նոր՝ հիանալի ֆունկցիա

0


Օրեր առաջ Կալիֆորնիայում տեղի ունեցավ Google-ի ամենամյա I/O developer-ների կոնֆերանսը, որի շրջանակներում ամենահետաքրքիր նորություններից մեկը Google Lens-ի վերաբերյալ էր: Համաձայն լուրի՝ մի շարք վիզուալ համակարգչային ունակությունների վրա հիմնվելով՝ Google Assistant-ը կկարողանա վերլուծել և հասկանալ, թե ինչ առարկաներ է տեսնում սմարթֆոնի տեսախցիկի առջև:

Google-ի CEO  Սունդար Պիչային ներկայացրել է, թե ինչպես է աշխատում նոր ֆունկցիան: Հեռախոսի տեսախցիկը հայտնաբերում է գրեթե ամեն առարկա, այն պարզապես, պետք է պահել համապատասխան ուղղությամբ և Google Assistant-ը կհայտնի Ձեզ, թե օրինակ՝ ինչ ռեստորան է Ձեր առջև, կամ որոնք են ռոուտերի տակի մասում գրված տվյալները և Wi-Fi կապ կհաստատի: Եվ սա դեռ ամենը չէ:

cameraphone_mainbanner

Ինչպես նշում է The Verge -ը՝ սա առաջին անգամը չէ, որ Google-ը փորձում է ֆունկցիոնալության ավելացնել սմարթֆոնների տեսախցիկներին:  Մասնավորապես, Google Translate հավելվածի միջոցով սմարթֆոնների օգտատերերը արդեն կարողանում են թարգմանել իրենց անհրաժեշտ նյութերը՝ տեսախցիկը պահելով համապատասխան տեքստի ուղղությամբ: Այս նորարարությունը ևս պատկանում է նույն շարքին, սակայն ունի ավելի մեծ սպեկտր, և կարող է բացատրել անգամ ճանապարհատրանսպորտային նշանների նշանակությունը:

Google-ը դեռևս չի հայտնել, թե երբ է նոր ֆունկցիան սպառողների համար հասանելի դառնալու, սակայն ակհնայտ է, որ այն հեռու ապագայում չէ:

Share.