Google-ը կարող է հայտնել, թե որոնք են Ձեր ամենաձանձրալի նկարները

0

Google-ը արհեստական բանականության միջոցով կարող է վերլուծել Ձեր նկարները և դրանցից առանձնացնել «անետաքրքիրները»:

Կազմակերպությունը բոլորովին վերջերս թարմացրել է Photos հավելվածը, որը այժմ կարողանում է առաջարկել օգտատերերին պահպանել մի շարք նկարներ  Archive folder-ում:

Այդ նկարների թվում են հայտնվում screenshot-երը կամ տարատեսակ փաստաթղթերի, գրառումների ու հաշիվների նկարները, որոնք դուրս են մնում main picture stream-ից:

Որպեսզի ակտիվացնեք ֆունկցիան անհրաժեշտ է սեղմել Assistant կոճակը հավելվածի ձախ կողմի ներքևի մասում:

google-photos-phone-web

Google-ի ներկայացուցիչը նշում է, որ ամեն օր մարդիկ նկարում են հսկայական քանակությամբ նկարներ, որոնց մի մասը կյանքի կարևոր դրվագներ են, իսկ մյուսները, պարզապես, արվում են որևէ ինֆորմացիա պահպանելու համար: Հենց այդ պատճառով իրենց նորամուծությունը կարող է շատ օգտակար լինել՝ ապահովելով պարզություն ու հարմարավետություն:

Արխիվացված նկարները այլևս չեն հայտնվում  հիմնական photo stream-ում, սակայն, բնականաբար, Դուք կարող եք գտնել դրանք առանձին ալբոմում կամ Archive folder-ում: Նաև կարող եք ինքներդ նշել, թե որ նկարն եք ցանկանում արխիվացնել options button-ի միջոցով:

Այս նոր հատկանիշը օգնում է հեշտությամբ դասավորել Ձեր նկարները՝ խնայելով Ձեր ժամանակը դրանք առանձին-առանձին տեսակավորելու կամ ջնջելու փոխարեն:

Հիշեցնենք նաև, որ Google-ը վերջերս ներկայացրել էր ևս մեկ նորամուծություն՝ Google Lens-ը, որը կարողանում է վերլուծել ու հասկանալ այն ամենը, ինչ տեսնում է նկարների վրա ու տեսախցիկի առաջ:

Share.