Google-ը խոստովանել է, որ հետևում է Android սմարթֆոնների օգտատերերին։

0

Իհարկե, մեզանից շատերը գիտակցում էին, որ սմարթֆոնների միջոցով հնարավոր է հետևել օգտատերին և նույնիսկ բացահայտել վերջինիս գտնվելու վայրը, սակայն ոչ ոք չէր պատկերացնում, որ այս ամենը հնարավոր է իրականացնել, երբ սմարթֆոնում SIM քարտը բացակայում իսկ գեոլոկացիան անջատված վիճակում է։

Այսպիսով, ըստ Quartz-ի հետազոտության արդյունքների Android օպերացիոն համակարգով աշխատող բոլոր սմարթֆոնները, ինչպես նաև այլ սարքավորումներ ֆոնային ռեժիմում հավաքում են տվյալներ ձեր գտնվելու վայրի մասին և ուղարկում այդ ինֆորրամցիան Google-ին։ Ւնչպես մանրամասնում Quartz-ը օգտատերերի գտնվելու վայրը որոշվել է բջջային կապի մոտակա աշտարակներից հեռավորությամբ։

Տվյալների հավաքագրումը կատարվում է նույնիսկ այն դեպքում, եթե սմարթֆոնում SIM-քարտ տեղադրված չէ և աշխարհագրական դիրքի որոշման ծառայությունն անջատված է։ Նշենք, որ այս տվյալները թույլ են տալիս ոչ միայն բացահայտել սմարթֆոնի օգտատիրոջ գտնվելու վայրը, այլ նաև հնարավոր դարձնում հետևել նրա՝ մի վայրից դեպի մյուսը տեղաշարժվելու ամբողջ ընթացքին։

Օրեր առաջ Quartz-ը իր դիտարկումները ներկայացրել է Google-ին և հարցմանն ի պատասխան ընկերությունն հաստատել է տվյալների հավաքագրման փաստը՝ նշելով որ հավաքագրումը սկսվել է 2017 թվականի սկզբից (հունվար ամսից)՝ տեքստային հաղորդագրությունների փոխանցման որակը և արագությունը բարելավելու համար: Google ընկերության ներկայացուցիչը վստահեցրել է, որ այդ ինֆորմացիան չի պահվել և երբեք չի օգտագործվել։

Այս ամենից հետո ընկերությունը նշել է, որ պատրաստվում է դադարեցնել  տվյալների հավաքագրման գործընթացը մոտակա ժամանակահատվածում։

androidmaps

Share.