Google-ի նոր օպերացիոն համակարգի՝ Android Pie-ի առաձնահատկությունները։

0

Օրեր առաջ Google ընկերությունը վերջապես թողարկեց Android 9 Pie օպերացիոն համակարգի վերջնական տարբերակը։

Իհարկե, ի տարբերություն Android Oreo-ի, Android Pie-ը հարուստ է թե ներքին, թե արտաքին փոփոխություններով և նորամուծություններով։

Այնպես, որ ստորև Ձեր ուշադրությանն են ներկայացնում Android Pie օպերացիոն համակարգի գլխավոր առանձնահատկությունները։

Ահա դրանք՝

Slush ռեժիմ

Slush ռեժիմը թույլ է տալիս անջատել բոլոր ծանուցումները և զանգերը մեկ հպումով: Ֆունկցիան ակտիվացնելու համար անհրաժեշտ է պտտել սմարթֆոնը:

Digital Wellbeing՝ հավելվածների օգտագործման սահմանափակում

Այս նոր ֆունկցիան հետևում և տեղեկացնում է օգտատերին, թե ինչ հաճախականությամբ է վերջինս օգտվում սմաթֆոնից և տարատեսակ հավելվածներից։ Այս առանձնահատկության շնորհիվ հնարավոր է սահմանափակել հավելվածների օգտագործման ժամանակը։ Օրինակ դուք կարող եք Facebook-ի համար սահմանել հստակ օգտագործման ժամանակ՝ 1 ժամ։ Եվ երբ նշված ժամանակը սպառվի հավելվածը կփակվի։

Ադապտացվող խելացի մարտկոց և պայծառություն

Adaptive Battery ռեժիմը թույլ է տալիս տնտեսել մարտկոցի կյանքը՝ հետևելով սարքի տարբեր ռեսուրսների օգտագործմանը և  oգտագործման մեջ սահամնափակումներ մտցնելով։

Նմանատիպ գործառույթ է նաև Adaptive Brightness-ը, որը հեշտությամբ կարողանում է ընտրել լուսավորության իդեալական ինտենսիվություն՝ ներկառուցված AI ալգորիթմի օգնությամբ։

Սքրինշոթների խմբագրում

Այժմ դուք կարող եք խմբագրել սքրինշոթները առանց հավելյալ ծրագրերի կիրառմամբ։

Նավիգացիոն նոր համակարգ

Նոր օպերացիոն համակարգի օգտատերերը նաև կկարողանան օգտվել նավիգացիոն նոր համակարգից։

Նշենք, որ օպերացիոն համակարգն արդեն իսկ հասանելի է Google Pixel և Essential Phone սմարթֆոնների համար, այնինչ մյուս Android սարքերի համար թարմացումը հասանելի կլինի աշնանը:

Share.