Google-ի հավելվածը կգտնի Ձեր նմանակին արվեստի գործերում:

0

Google ընկերության կողմից մշակված Google Arts & Culture հավելվածի թարմացված տարբերակը ձեռք է բերել նոր և հետաքրքիր գործառույթ, որը կոչվում է «Is your portrait in a museum?» («Կա՞ արդյոք քո դիմանկարը թանգարանում»)։ Վերջինս իր օգտատերերին հնարավորություն է տալիս գտնել իրենց նմանակներին կերպարվեստի հայտնի գործերում։

Բջջային այս հավելվածի տվյալների բազայում պահվում են աշխարհի տարբեր ծայրերում գտնվող արվեստի գործերի՝ հարյուրհազարավոր թվային ցուցանմուշներ: Այն ներառում է  70 երկիր և 1200 թանգարան։ Այսուհետև նոր գոծառությի շնոհիվ օգտատերը կարող է սելֆի  անել ու փնտրել իր նմանակին արվեստի գործերում: Հավելվածը, սկանավորելով Ձեր լուսանկարը տասնյակ թանգարաններում ներկայացված ավելի քան 70 հազար արձանների և կտավների հետ, ընտրում է Ձեր նմանակին և ցուցադրում ամենահաջող արդյունքը։ Նշենք, որ ֆունկցիան աշխատում է Google-ի արհեստական բանականության միջոցով։

Ստորև ներկայացված են արդյունքներից մի քանիսը՝

9748img_0526TELEMMGLPICT000151454692_trans_NvBQzQNjv4BqKTpUBHZgrmm8es5J9QQJXd2AQ26MLgRB9_4GYOgkGQsCapture5654

Մի շարք երկրներում ամենաշատ ներբեռնված դարձած անվճար հավելվածը հասանելի է Android и iOS օպերացիոն համակարգերի համար: Այն կարելի է ներբեռնել App Store և Google Play հարթակներում ամբողջովին անվճար։

Սակայն նշենք, որ հավելվածի այս զվարճալի գործառույթը դեռևս հասանելի է սահմանափակ թվով երկրներում։

Այդ իսկ պատճառով անհրաժեշտ է առաջին հերթին հեռախոսի վրա տեղադրել VPN հավելած և փոխել երկիրը՝ նշելով ԱՄՆ:

iOS-ի դեպքում ներբեռնեք Opera VPN հավելվածը, ապա  բացեք այն և ընտրեք USA, իսկ Android-ի դեպքում ներբեռնեք Turbo VPN հավելվածը և կատարեք նույն գործողությունները։ Վերը նշված հավելվածը տեղադրելուց և Location-ը փոխելուց հետո, արդեն իսկ կարող եք բացել Arts & Culture հավելվածը, գտնել համապատասխան գործառությը և սեղմել նշված կոճակին:

1

Share.