Այժմ Google-ը կօգնի Ձեզ փնտրել և գտնել աշխատանք

0

Google-ը ցանկանում է օգնել ձեզ աշխատանք փնտրելու հարցում: Սա կարող է թվալ Google I/O-ի ձանձրալի հայտարարություններից ևս մեկը, սակայն Google-ի նոր առանձնահատկությունը կարող է օգտակար գործիք լինել ինչպես օգտատերերի համար, ովքեր փնտրում են նոր աշխատանք, այնպես էլ ընկերությունների, որոնք ցանկանում են գովազդներ տարածել: Պարզ ասած, Google-ը, ըստ էության, ստեղծում է աշխատանք որոնելու (Search a job) պորտալ։

Օրերս իր բլոգում Google-ը հայտարարեց, որ Google for Jobs նախաձեռնությունը արդեն իսկ բաց է բիզնեսի, ծրագրավորողների, և կայքերի սեփականատերերի համար:

Ապագայում, աշխատանք փնտրողները, ովքեր որոնում են կոնկրետ աշխատատեղեր կամ վայր, կստանան համապատասխան աշխատանքներով մի ցուցակի նախադիտումների համար:

google-search-jobs

Այս ցուցակից յուրաքանչյուր աշխատանքի հաստիք կարելի է ընդլայնել՝ վեջինիս մասին լրացուցիչ տեղեկություններ և մանրամասներ ստանալու նպատակով:

Ինչպես նշել է Google-ը, այս արդյունքները կհայտնվեն որոնման արդյունքներում իրենց լոգոյով, ակնարկով, ռեյթինգով և աշխատանքի վերաբերյալ այլ մանրամասներով։

Google-ը նշել է, որ աշխատանքներ տարածող կայքի սեփականատերերը և այլ գործակալություններ, նման կերպով կստանան ավելի մոտիվացված դիմորդների հայցեր: Այնինչ օգտվողները կկարողանան ուղղակիորեն և հեշտությամբ փնտրել իրենց ցանկություններին համապատասխան աշխատատեղիներ անմիջապես Google Search-ում, որից հետո ուսումնասիրել այն և ցանկության դեպքում դիմել կամ անմիջապես կապնվել ընկերության հետ։

Google-ը նաև ասում է, որ ծրագրավորողներն ու կայքի սեփականատերերը, ովքեր տարածում են աշխատանքների մասին ինֆորմացիա այլ կայքերի օգնությամբ, ներառյալ LinkedIn, Monster, DirectEmployers, CareerBuilder, Glassdoor և Facebook-ը, նույնպես կարող են օգտվել նոր Google for Jobs ծրագրից:

Share.