Ինչպես օգտվել Google Maps քարտեզներից առանց ինտերնետ կապի:

0

Google Maps-ը ամենաօգտակար և ամենաանրաժեշտ հավելվածներից մեկն է։ Սակայն արդյո՞ք հնարավոր է օգտվել այս հարմարավետ նավիգացիայից առանց ինտերնետ կապի։ Պատասխանն է՝ այո։ Google Maps-ը հնարավորություն է տալիս պահպանել քարտեզները, և հետագայում՝ օֆլայն ռեժիմում օգտվել դրանցից։

Ստորև կներկայացնենք, թե ինչպես կարող եք օգտագործել Google Maps-ը օֆլայն ռեժիմում։

Այսպիսով, առաջին հերթին անհրաժեշտ է նախապես ներբեռնել քարտեզները հետախոսի մեջ՝ ընտրելով համապատասխան քաղաքի սխեման։ Եթե սմարթֆոնում առկա է Ձեր կողմից ներբեռնված քարտեզը, ապա հավելվածը ավտոմատ կերպով անցնում է դեպի օֆլայն ռեժիմ։ Նշենք, որ օֆլայն ռեժիմում նույնիսկ հնարավոր է ստանալ անհրաժեշտ ինֆորմացիան տեղական ծառայությունների, տարբեր հաստատությունների և խանութների մասին (օրինակ՝ աշխատանքային ժամերը, հեռախոսի համարները և այլն)։

Անհրաժեշտ տարածքի քարտեզը բեռնելու համար բացեք Google Maps հավելվածը և մուտք գործեք դեպի Ձեր Google account։ Այնուհետև որոնման տողում մուտքագրեք ցանկացած քաղաքի կամ փողոցի անուն (օրինակ Փարիզ) ապա սեղմեք «Download» կոճակը։

Google-Maps-Offline-Tutorial-Download-Maps-1 Եթե ընտրված տեղամասը շատ մեծ է (հասանելի օֆլայն տարածքի ամենամեծ չափսը 120,000 քառակուսի կիլոմետր է), ապա ծրագիրը խորհուրդ է կտա ընտրել ավելի փոքր տեղամաս:

Արդեն իսկ բեռնված օֆլայն քարտեզները կարելի է տեսնել գլխավոր մենյուի «Offline areas» բաժնում։

Google-Maps-Offline-Tutorial-View-Offline-1Այնպես, որ այլևս ստիպված չեք լինի փնտրել մոտակա  WiFi հասանելիությունը, որպեսզի օգտվեք Google Maps  հավելվածից, և, իհարկե, չեք ծախսի ավելորդ գումար բջջային ինտերնետի կապի վրա։

Share.