Google-ը կվճարի 1000$ Android-ի հավելվածներում գտած սխալների համար։

0

Google-ը առաջարկում է $1,000 (760 £) գումար բոլոր նրանց, ովքեր հաջողությամբ կարողանան «կոտրել» հավելվածները Play Store-ում։

Bug bounty բոնուսային ծրագիրը տարիներ շարունակ բոլոր խոշոր ընկերությունների կողմից դարձել է տարածված մեթոդ հավելծաների և ծրագրերի անվտանգությունը բարձրացնելու համար։

Նման բոնուսային ծրագրերը խրախուսում են հաքերներին գտնել ծրագրային խոցելիությունները կամ սխալները և ներկայացնել դրանք «վճարող» ընկերությանը, որի արդյունքում արդեն իսկ բացահայտված սխալները ֆիքսվում են ծրագրավորողները կողմից։

Այս անգամ Google-ի ուշադրությունը դեպի  հավելվածների անվտանգությունը կապված ընկերության նոր Pixel 2 և Pixel 2 XL սմարթֆոնների մեկնարկի հետ, որոնք աշխատում են Android օպերացիոն համակարգով։

Եվ ինչպես գիտեք, ավելի վաղ Google-ը արդեն իսկ ենթարկվել է քննադատության այն բանի համար, որ իր Play Store-ի անվտանգությունը շատ ցածր։

Check Point՝ անվտանգության ընկերության կողմից իրականացված հետազոտությունը ցույց է տվել, որ Google-ի ավտոմատացված համակարգը չի կարողացել հայտնաբերել 50 վիրուսային հավելվածներ, որոնք ներբեռնվել են ավելի քան 4.2 միլիոն անգամ: Այս վիրուսները ոչ միայն ազդում են Play Store-ի, այլ նաև ամբողջ Android օպերացիոն համակարգի վրա, որը ի տարբերություն  Apple-ի iOS-ի, այսպես ասած ավելի «բաց» է և ոչ սահմանափակ։

Այնպես, որ Google-ը, համագործակցելով համաշխարհային ճանաչում ունեցող HackerOne ընկերության հետ, պատրաստ է պարգևատրել բոլոր նրանց, ովքեր կբացահայտեն և կօգնեն ամրագրել անվտանգության հետ կապված ամենալուրջ թերությունները: Այսպիսով, «Google Play Security Reward» նոր բոնուսային ծրագրի գլխավոր նպատակն է ներգրավել հաքերներին, որպեսզի նրանք անմիջական աշխատեն Android հավելվածներ մշակողների հետ: Եթե օգտատերերը հայտնաբերել են ծրագրի բոլոր կետերին համապատասխան սխալ, թերություն կամ անճշտություն հավելվածում, ապա Google-ը կվճարի Ձեզ 1000 դոլար։

Ցանկացողները կարող են գտնել Bug bounty բոնուսային ծրագրի հետ կապված բոլոր մանրամասները այստեղ։

Հավելենք նաև, որ Google-ը ներկա պահին գործարկում է նաև այլ բոնուսային ծրագրեր Google Chrome վեբ-բրաուզերում խոցելիություններ հայտնաբերողների համար՝ առաջարկելով մինչև $ 100,000 (£ 75,900) պարգևատրություն։

Share.