Google-ի նոր հավելվածը վերածում է տեսանյութը կոմիքսի:

0

Google-ը ներկայացրել է երեք նոր բջջային հավելված նախատեսված լուսանկարների և տեսանյութերի խմբագրման համար:

Դրանք են՝ Storyboard-ը, Selfissimo-ն և Scrubbies-ը։

Այսպիսով, Scrubbies-ը (iOS) տեսանյութերի խմբագրիչ է, որը հնարավորություն է տալիս արագացնել և դանդաղեցնել տեսանյութերը:

Իսկ Selfissimo-ն (iOSAndroid) սելֆիների սիրհարների համար է, քանի որ այն   ինքնուրույն կերպով լուսանկարում է Ձեզ ամեն անգամ, երբ փոխում եք ձեր դիրքը։

google-new-photo-app-selfissimo-screenshot-androidԸնկերության թողարկած հավելվածների շարքում է նաև  Storyboard կոչված հավելվածը, որով հնարավոր է տեսանյութերը վերածել կոմիքսի։ Ցավոք, այն դեռևս հասանելի է միայն Android օգտատերերի համար։

Հավելվածը շատ պարզ է․ Անհրաժեշտ է միայն սմարթֆոնից ընտրել տեսանյութը, որը ցանկանում եք վերածել կոմիքսի, իսկ Storyboard–ը կհոգա մնացածի մասին։ Ահա, թե ինչպես է այն աշխատում․ հավելվածը արհեստական ինտելեկտի միջոցով ավտոմատ կերպով բաժանում է տեսանյութը առանձին կտորների, ապա ընտրում դրանցից ամենահաջող և ամենահետաքրքիր կադրերը և ներկայացնում Ձեզ վերջնական տարբերակը կոմիքսի տեսքով։ Եթե արդյունքը Ձեզ դուրս չի գալիս, ապա կարող եք փոխել կոմիքսի ձևը սեղմելով համապատասխան կոճակին։

Կոմիքսները պահպանվում են սմարթֆոնում, և դուք կարող եք կիսվել դրանցով սոցիալական ցանցերում։

Նշենք նաև, որ հավելվածը մասնավորապես հարմար է կարճ տեսանյութերի համար և դեռևս գտնվում է մշակման փուլում։

storyboard

Share.