Google-ը մեղադրվում է 1,6 միլիարդ եվրո հարկ թաքցնելու մեջ

0

Դատավորները, ովքեր զբաղվում են հարկային վճարումների գործով, բացահայտել են, որ տեխնոլոգիական հսկան մեղադրվում է ֆինանսական խաբեության և կազմակերպված փողերի լվացման մեջ:

Ֆրանսիացի քննիչները ստուգայցի (ռեյդի) են ենթարկել Google-ի փարիզյան գրասենյակը՝ հայտարարելով, որ կազմակերպությունը գտնվում է հետախուզման մեջ խոշոր չափերի ֆինանսական խաբեության և փողերի լվացման մեղադրանքով:

Ֆրանսիայի կողմից արդեն երկար ժամանակ ընթացող Google-ի հարկային գործերի հետաքննությունը սրվել է, երբ երեքշաբթի օրը հայտնաբերվել է, որ կազմակերպությունը կասկածանքի տակ է իր գործունեության ողջ մաշտաբը երկրում չհայտարարագրելու պատճառով:

Ըստ մեղադրող կողմի իրենք ցանկանում են բացահայտել արդյոք իռլանդական կազմակերպությունը, որի միջոցով Google-ը ղեկավարում է իր եվրոպական եկամուտների մեծ մասը, դե ֆակտո կառավարու՞մ է Ֆրանսիայում գտնվող «մշտական հիմնարկությունը»:

Google-ը պնդում է, որ իր մեծ գրասենյակները Փարիզում, Լոնդոնում և այլ եվրոպական մայրաքաղաքներում իրենցից լիարժեք և անկախ բիզնեսներ չեն և գործում են որպես Դուբլինում գտնվող գլխավոր գրասենյակին օժանդակող կառույցներ՝ ապահովելով տարբեր ծառայություններ, ինչպիսին օրինակ մարքեթինգայինն է:

Կազմակերպությունն իր ոչ ամերիկյան եկամուտների մեծ մասը (ինչպես օրինակ գովազդից գոյացող) տնօրինում է Դուբլինի միջոցով, որտեղ 12.5% կազմող շահույթահարկի ցուցանիշը եվրոպական ստանդարտների համեմատ ավելի ցածր է: Սա օգնում է Google-ին խուսափել և՛ եվրոպական և՛ ամերիկյան եկամտահարկերից:

2048x1536-fit_logo-entreprise-americaine-googleԱյս առիթով, Google-ը տարածել է հայտարարություն որտեղ ասվում է. «Մենք գործում ենք ֆրանսիական իրավունքին համահունչ և պատրաստ ենք համագործակցել իշխանությունների հետ նրանց հարցերին պատասխանելու նպատակով»:

Քննիչները ժամանել են Google-ի փարիզյան գրասենյակներ: Գործում ընդգրկված են եղել շուրջ 100 քննիչների հաշվետվություններ և 5 դատավոր:

Ֆինանսական հարցերով զբաղվող դատախազը նշել է իր հայտարարության մեջ, որ այդ խուզարկումները 2015թ. հունիսի 16-ին բացված նախնական հետաքննության մաս են կազմում կապված խոշոր չափերի ֆինանսական խաբեության և կազմակերպված փողերի լվացման հետ:

Հետաքննությունը նպատակ ունի բացահայտելու արդյոք Google Ireland Ltd կազմակերպությունը ղեկավարու՞մ է Ֆրանսիայում Google-ի մշտական հիմնարկությունը և արդյոք, թաքցնելով Ֆրանսիայի տարածքում իր գործունեության ողջ մասշտաբը, չի՞ կատարում իր ֆինանսական պարտավորությունները՝ մասնավորապես կապված ընկերությունների հարկերի և ավելացված արժեքի հարկի հետ:

Ֆրանսիան, Բրիտանիան և այլ երկրներ երկար ժամանակ է բողոքներ են հայտնում, թե ինչպես են Google-ը, Apple-ը, Yahoo!-ն և այլ տեխնոլոգիական կազմակերպություններ եկամուտներ ստանում իրենց երկրներում, սակայն ուղղում դրանք օֆֆշոր:

Փետրվար ամսին պարզ էր դարձել, որ Ֆրանսիան ակնկալում է 1.6 միլլիարդ եվրոյի չափով  հարկի ստացում Google-ից, որը մեղադրվում էր հարկային օպտիմալացման ագրեսիվ տեխնիկաների կիրառման մեջ:

Հունվար ամսին Google-ը համաձայնել էր վճարել 130 մլն ֆունտ ստեռլինգ Միացյալ Թագավորությանը որպես հարկ, սակայն այդ հայտարարությունը աղմուկ էր բարձրացրել, քանի որ երկրում եկամուտները և հարկերը հսկող մարմինը թույլ էր տալիս կազմակերպությանը տնօրինել իր եկամուտները Իռլանդիայի միջոցով:

Ֆրանսիայի հարկային մարմինները, ակնկալելով հարկեր Google-ից, մերժել են գործարք կնքել ամերիկյան ինտերնետային հսկայի հետ, ինչպես որ Միացյալ Թագավորությունն էր արել: Այս տարի՝ ավելի վաղ, ֆինանսների նախարար Մայքլ Սփինը նշել է.  «Ֆրանսիայի հարկային իշխանությունները չեն բանակցում հարկերի չափի շուրջ»:

Սակայն Google-ը շարունակում է պնդել, որ յուրաքանչյուր երկրում այն աշխատում է ի համապատասխան տվյալ երկրի հարկային օրենքների:

Համաձայն վերջին տվյալների՝ կազմակերպությունն ունի ավելի քան 700 աշխատակից Ֆրանսիայում: Google-ը 2014թ Ֆրանսիայում իր գործունեության համար 216 միլիոն եվրոյի չափով եկամտային հաշվետվություն է ներկայացրել՝ վճարելով 5 միլիով եվրոյի հարկ: Սակայն, գովազդային հետազոտողները Google-ի իրական եկամուտները այդ տարվա համար հաշվարկում են շուրջ  1.7 միլլիարդ:

Google-ի խնդիրները ֆրանսիական իշխանությունների հետ սկսվել են 2011 թ կատարված ստուգումների արդյունքում, երբ կատարվում էր հետաքննություն տրանսֆերային գնագոյացման վերաբերյալ:

Միջազգային կազմակերպությունների կողմից կիրառվող տրանսֆերային գնագոյացումը օգնում է թաքցնել խոշոր շուկաներից ստացվող եկամուտները, որտեղ հարկային դրույքաչափերը ավելի բարձր են, և աշխատել ավելի ցածր հարկային  դրույքաչափ ունեցող իրավական համակարգերի ներքո:

Երկու տարի առաջ Google-ը տեղեկացրել էր ԱՄՆ ֆոնդային շուկայի կարգավորիչ մարմնին, որ ինքը ենթակա է հարկային ստուգման: Կազմակերպությունը հայտարարել էր. «2014թ մարտին մենք ստացել ենք հարկային գնահատում Ֆրանսիայի հարկային իշխանությունների կողմից: Մենք հավատացած ենք, որ կատարվել է պատշաճ ծառայություն և առավել հավանական է, որ մեր հարկային քաղաքականությունը կպահպանվի: Սակայն, հնարավոր է նաև, որ Ֆրանսիայի հարկային իշխանությունների որոշումը թողնի իր ազդեցությունը մեր հարկային քաղաքականության վրա»:

Միևնույն ժամանակ, չհաստատված տվյալների համաձայն՝ կազմակերպությունը ստացել է 500 միլոն և անգամ 1 միլլիարդ եվրոյի չվճարված հարկերի պահանջ:

Ֆրանսիան սկսել է պայքարել միջազգային կազմակերպությունների կողմից հարկային օպտիմալացման ագրեսիվ տեխնիկաների կիրառման դեմ և քաջալերել հարկատուներին բացահայտորեն հանդես գալ նախկինում չհայտարարգրված եկամուտների վերաբերյալ:

Share.