Google-ը կանխատեսում է «բուսական» հեղափոխություն

0

Google-ի մայր կազմակերպության՝ Alphabet-ի գործադիր տնօրեն Էրիկ Շմիդտը գտնում է, որ ապագայի «խաղի կանոնները» փոխող թիվ մեկ թռենդը հանդիսանալու է մսի փոխարեն բուսական պիտակուցների (protein) սպառումը: Շմիդտը իր կարիերան նվիրել է գլոբալ տեխնոլոգիական թռենդների article_1034d2212a3ba84a45df90bուսումնասիրությանը և դիտարկում է բուսական սնունդը որպես 6 հիմնական գործոններից մեկը, որոնք էականորեն կարող են բարելավել մարդկային հասարակության կյանքը: Դրանց թվում են նաև ինքնակառավարվող մեքենաները և համակարգիչները, որոնք կարող են անհատական կրթական ծրագրեր առաջարկել ուսանողներին ըստ վերջիններիս պահանջների:

Բուսական սպիտակուցներին անցումը գերազանցում է մնացած հինգ գործոնները, թե՛ իր գլոբալ ազդեցության, թե՛ ընդհանուր առմամբ մարդկանց կյանքի որակի բարելավման տեսանկյունից: Շմիդտի խոսքերով՝ դա կարող է օգնել նվազեցնել վնասակար արտանետումների ծավալը և պայքարել կլիմայական փոփոխությունների դեմ, քանի որ մսի արդյունաբերությունը հսկայական արտանետումների պատճառ է հանդիսանում:

Այսպիսով, միսը բուսական սպիտակուցներով փոխարինելը օգտակար է շրջակա միջավայրի համար, ինչպես նաև զգալիորեն իջեցնում է սննդի գինը հատկապես զարգացող երկրներում աղքատության մեջ գտնվող մարդկանց համար: Կարճ ասած՝ բուսական սպիտակուցներին անցման շնորհիվ աշխարհը ավելի արդյունավետ և մատչելի կերպով կսնվի:

Համաձայն Շմիդտի՝ աշխարհն այժմ պատրաստ է համակարգչային տեխնոլոգիաների օգնությամբ  բույսերից արտադրել սինթետիկ (մարդու կողմից ստեղծված) սնունդ: Տեխոլոգիաների միջոցով գիտնականները կարող են հայտնաբերել բույսերի լավագույն համադրությունները` թե՛ համային, թե՛ սննդարարության տեսանկյունից:

Այս կանխագուշակումը արդեն մոտ է իրականացմանը: Այնպիսի կազմակերպություններ, ինչպիսին օրինակ Good Food Institute-ն է, կապեր են հաստատում ներդրողների հետ և ֆինանսավորման հնարավորություններ փնտրում բուսական սնունդով զբաղվող կազմակերպությունների համար: Նրանք աշխատում են նաև խանութների և ռեստորանների հետ որպեսզի բուսական սննդամթերքներն ավելի շատ ներկայացվեն և վաճառվեն:

Շրջակա միջավայրի քայքայման և սննդի գլոբալ պակասի խնդիրների լույսի ներքո բուսական սպիտակուցներին անցման հարցը առավել արդիական և կարևոր է դառնում:

Share.