Google-ը Թրամփի անունը կրկին կապում է Հիտլերի հետ

0

Google-ի փնտրելու ֆունկցիան կրկին ուշադրության կենտրոնում է Դոնալդ Թրամփին և Ադոլֆ Հիտլերին իրար կապելու համար:

«Ե՞րբ է Հիտլերը ծնվել» գրառումը փնտրելու արդյունքում ուրբաթ օրը բացի Նացիստական դիկտատորի մասին սպասված արդյունքներից հայտնվում էր նաև Դոնալդ Թրամփի նկարն ու լինքը Հիտլերի կնոջ՝ Եվա Բրաունի և Չարլի Չապլինի նկարների հետ միասին: Վերջինս 1940թ. իր՝ «Մեծ դիկտատորը» ֆիլմում ծաղրում էր Հիտլերին:

Google-ի փնտրման անսովոր արդյունքը գրավեց շատերի ուշադրությունը և տարածվեց համացանցում: Google-ի խոսքով իրենք փորձում են պարզել, թե ինչպես կարող էր Թրամփի նկարը հայտնվել Հիտլերի նկարի կողքին: Լուրից անմիջապես հետո նկարը հեռացվել էր փնտրման արդյունքներից:

Թրամփի որոշ քննադատներ համեմատել էին ԱՄՆ նախագահի հնարավոր Հանրապետական թեկնածուին Հիտլերի հետ, ինչը կարող էր ազդել Google-ի ալգորիթմների վրա: Եվ, իրականում, Թրամփի վերաբերյալ հղումների պակաս չի զգացվում համացանցում. ուրբաթ օրը «Թրամփ Հիտլեր» գրառումը Google- ում առաջացրել էր 25.7 միլիոն արդյունք, «Թրամփ Քլինթոնը»՝ 199 միլիոն:

Սա առաջին անգամը չէ, որ Google-ը կապում է այս երկու անձանց: Դեկտեմբեր ամսին Հիտլերի «Mein Kampf»-ը ցուցադրվել էր ի պատասխան Թրամփի «Crippled America: How to Make America Great Again» գրքի նկարի փնտրման արդյունքում:

Թրամփ-Հիտլեր հարցը երկրորդ հակասությունն է, որի մեջ ներքաշվել էր Google-ը այս շաբաթ: Google-ի ավտոմատ կերպով լրացման ֆունկցիան (autocomplete), որն առաջարկում է պոտենցիալ փնտրվող արտահայտություններ, մեղադրվել էր ԱՄՆ նախագահի հավանական դեմոկրատ թեկնածուին՝ Հիլարի Քլինթոնին սատարելու մեջ:

Google-ը ժխտել է autocomplete ֆունկցիայի կողմնակալ լինելը՝ նշելով, որ իրենք չեն սատարում որևէ թեկնածուի, և մեղադրողները պարզապես չեն հասկանում, թե ինչպես է աշխատում autocomplete-ը:

Ուրբաթ օրը Google-ը իր բլոգում հայտնել է, որ autocomplete-ը ճշգրիտ գիտություն չէ, և կանխագուշակող ալգորիթմների արդյունքը կարող է հաճախակի փոփոխվել: Դա կախված է մի շարք հանգամանքներից, ինչպիսիք օրինակ՝ փնտրվող արտահայտության հայտնիությունն է և թարմությունը:

Share.