Google+ սոցցանցը կփակվի։ Ընկերությունը հայտնել է օրը։

0

Google ընկերությունը հայտարարել է Google+ սոցիալական ցանցի փակման մասին։

Ինչպես նշվում է կորպորացիայի պաշտոնական բլոգում, սոցցանցի սպառողական տարբերակը վերջնականապես կդադարեցնի իր աշխատանքը ապրիլի 2-ին։

Այդ օրը կսկսվի բոլոր էջերի, լուսանկարների, տեսանյութերի և ցանկացած այլ կոնտենտի հեռացումը։

Ահա, թե ինչ է նշվում ընկերության հայտարարության մեջ․

«Ապրիլի 2-ին Google+-ի ձեր հաշիվը և ձեր կողմից ստեղծված բոլոր Էջերը կդադարեն աշխատել, և մենք կսկսենք հեռացնել դրանցում եղած բոլոր տվյալները»։

Այն օգտատերերը, ովքեր չեն ցանկանում կորցնել իրենց տվյալները, կկարողանան ներբեռնել և պահպանել իրենց կոնտենտը համակարգիչներում, սակայն, իհարկե, դա անհրաժեշտ կլինի անել մինչև վերը նշված ամսաթիվը: Թե ինչպես դա անել կարող եք տեսնել Google-ի պաշտոնական կայքում, որտեղ քայլ առ քայլ բացատրվում են գործողությունները։

Ընկերությունում նշում են, որ տվյալների ամբողջական հեռացումը կտևի մի քանի ամիս, այնպես որ տվյալների մի մասը կարող է ժամանակավորապես հասանելի լինել նաև ապրիլից հետո։

Բացի այդ Google+-ը այլևս հնարավոր չի լինի օգտագործել մեկնաբանություների համար այլ կայքերում։ Ինչպես նաև սկսած ապրիլի 2-ից՝ բոլոր այն մեկաբանությունները, որոնք արվել են Google+ սոցցանցի միջոցով, նույնպես կհեռացվեն։

Նշենք, որ սացցանցի կորպորատիվ տարբերակը կշարունակի իր աշխատանքը բիզնես հաճախորդների համար։

Սոցցանցի փակման պատճառները մի քանինս են։

Առաջինն, ինչպես հայտնի է, 2015-2018թթ կոդի մեջ սխալ է հայտնաբերվել, որը հնարավոր է դարձրել օգտատերերի անձնական տվյալների օգտագործումը։

Փակման երկրորդ պատճառն ենթադաբար այն է, որ Google+-ը այդպես էլ պահանջարկ չունեցավ և տարածում չստացավ ինչպես Facebook-ը, Instagram-ն և նմանատիպ մյուս կայքերը։

Նշենք, որ Google+-ը առաջին անգամ գործարկվել է 2011 թվականին։

Share.