Google-ի նոր ականջակալները կարող են 40 լեզու թարգմանել։

0

Օրեր առաջ, Google-ը մեկնարկել է առաջին անլար ականջակալները, որոնք փնտրելով անհրաժեշտ տեղեկատվությունը համացանցում, թարգմանում են օտարալեզու խոսքը զրույցի պահին։

Սան-Ֆրանցիսկոյում կայացած միջացառման ընթացքում ընկերությունը ներկայացրել է մի շարք նորույթներ, որոնց թվում էր, այսպես կոչված Pixel Buds՝ սինխրոն թարգմանություն անող անլար ականջակալները։ Ականջակալերը միացվում են Pixel կամ Android սմարթֆոնին, որը համալրված է Google Assistant ձայնային օգնականով: Հավելվածը ճանաչում է օտարալեզու խոսքը և թարգմանությունը հնչում է ականջակալների միջոցով։

Թարգմանությունների համար նախատեսված ծրագիրը հնարավորություն է տալիս օգտվողին ինչպես լսել, այնպես էլ խոսել օտար լեզուներով՝ օգտագործելով սմարթֆոնը: Սեղմելով ականջակալի վրա տեղադրված կոճակը և ասելով «let me speak Italian»՝ օգտատերը կարող է խոսել անգլերեն լեզվով և սմարթֆոնի բարձրախոսերով ավտոմատ կերպով կհնչի արդեն իսկ թարգմանված իտալերեն խոսքը:

Սարքավորումը կարող է թարգմանել դեռևս միայն 40 լեզվով:

Մեկ լիցքավորմամբ ականջակալները կարող են 5 ժամ շարունակ աշխատել: Վերջիններս պահվում են հատուկ տուփում՝ լրացուցիչ մարտկոցի հետ, որը նրանց աշխատանքը երկարացնում է մինչև 24 ժամ:

Ըստ նախնական տվյալների Pixel Buds ականջակալները ԱՄՆ-ում վաճառքի կհանվեն արդեն իսկ նոյեմբերին, իսկ մեկնարկային արժեքը կկազմի 159 դոլար։

Նմանատիպ սարքեր, ինչպիսիք են օրինակ Translate One2One-ը, ավելի վաղ արդեն իսկ նախագծվել էին, սակայն հանրությանը չէին ներկայացվել։ Սա նմանատիպ ապրանք շուկա հանելու առաջին փորձն է խոշոր տեխնոլոգիական ընկերության կողմից։

Նշենք նաև, որ շնորհանդեսի ժամանակ ընկերությունը ներկայացրել է նաև Pixel շարքի երկու նոր սմարթֆոն՝ Pixel 2 և Pixel 2 XL, ինչպես նաև քրոմբուք:

maxresdefaultgoogle-pixel-buds-caseGoogle-Pixel-Buds-2_trans_NvBQzQNjv4Bqg_rvdzI5wpZrjlxBSiCVL5ldyMDA9IhmJRfyQ3ef5vk.PNG

Share.