GTA V Redux-ը խաղը կստիպի Console ունեցողներին նախանձել PC gamer-ներին

0

Համակարգչային խաղերի (PC gaming) հետաքրքրությունն են կազմում հասարակության կողմից ստեղծված գրաֆիկական մոդերը, որոնք արդեն իսկ տպավորիչ խաղը կարող են տեսողական առումով ավելի գրավիչ դարձնել։ Պարզապես տեսե՛ք Star Wars: Battlefront upgrade-ի օրինակը։

Ինչպես հայտնի է, Grand Theft Auto շարքը միշտ էլ տարածված ու սիրված է եղել խաղերի սիրահարների շրջանում։ Իսկ վերջին Grand Theft Auto V-ն դրանցից ամենահաջողվածներից է։ Այն անկասկած ստիպելու է այն մարդկանց, ովքեր ունեն խաղային սարքեր (console) մտածել խաղային համակարգիչ գնելու մասին (gaming rig)։

GTA5Redux-ը ստեղծվում է Ջոշ Ռոմիտոյի կողմից։ Նա բավականին երկար ժամանակ է, ինչ աշխատում է խաղի վրա և արդեն հասցրել է թողարկել մի քանի նկարներ ու վիդեոներ, որոնք ցուցադրում են իր աշխատանքի առաջընթացը։ Ամենավերջին թարմացումը ներկայացնում է թրեյլեր և screenshot-եր։ Ինչպես, որ կարող եք տեսնել՝ դրանք բավականին տպավորիչ են, իսկ այն փաստը, որ աշխատանքը դեռևս ավարտված չէ (այն կատարված է մոտ 90%-ով) ավելի մեծ սպասումներ է խոստանում։ Թարմացումների շարքում կարևոր են նոր լուսային ու եղանակային էֆֆեկտները, որոնք շրջակա միջավայրին ավելի ռեալիստական պատկեր են հաղորդում, ռելյեֆի ու լանդշաֆտի թարմացումները, պայթյունների առավել պատկերավոր էֆֆեկտները և նոր համակարգը, որն ընդգրկում է հինգ աստղանի ռազմական տանկեր և 4K տեքստուրաներ ամբողջ խաղի համար։

Քանի որ աշխատանքը դեռ ընթացքում է, հնարավոր չէ խաղը ինքնուրույն փորձարկել, սակայն այն ամենը ինչ հիմա հայտնի է, արդեն իսկ շատ խոստումնալից է։
$

Share.