Բրիտանացի ինժեները ծախսել է 4 տարի և 50 հազար դոլար հսկայական համակարգիչ ստեղծելու համար, որպեսզի խաղա Tetris

0

Բոլորս էլ ունենք մեր հոբիները, որոնց վրա ժամանակ և գումար ենք ծախսում, սակայն մեզնից միայն մեկն է, որ ծախսել է չորս տարի և $53,000՝ ստեղծելով հսկա համակարգիչ՝ Tetris խաղալու համար։

 Ջեյմս Նյումանի «Մեգապրոցեսորը» ունի 10 մ լայնություն, մոտ 2 բարձրություն և կշռում է կես տոննա։ Այն, իրոք, հսկայական է։ Համակարգիչն ունի 10,000 LED լույսեր և 40,000 տրանզիստորներ, մինչդեռ այդքան ժամանակի և գումարի ծախսելուց հետո պրոսեցորն ունի ընդամենը 20kHz հզորություն։

«Եթե Ձեզ հետաքրքրում է, թե ինչ կարելի է անել այսպիսի պրոցեսորով, ապա պատասխանը պարզ է՝ Դուք կարող եք խաղալ խաղեր՝ ինչպես օրինակ Tetrisն է»,- ասում է բրիտանացի ինժեները։ Իսկ այն հանգամանքը, որ դա կարծես, թե ամենն է, ինչին, որ ընդունակ է այդ համակարգիչը, Նյումանին կարծես թե չի անհանգստացնում։

3612634600000578-0-image-a-44_1467987565565«Ձեր սեղանին դրված համակարգիչը կարող է միլիոն անգամ ավելի լավը լինել, սակայն, այն ինչ ես եմ ստեղծել, ավելի գեղեցիկ է», – ասել է Նյումանը BBC-ին։ Նա սկսել է այս նախաձեռնությունունը, որպեսզի ավելի լավ պատկերացնի, թե ինչպես են աշխատում միկրոպրոցեսորները և ընթացքում հասկացել է, որ մինչդեռ մեր մանրմունր համակարգիչները կարողանում են շատ ավելի բաներ անել քան փազլ խաղն է, իր ստեղծարարությունը «ունի 10,000 անգամ ավելի շատ LED-եր»։ Եվ նա, իրոք, այդպես է կարծում։

3612613700000578-0-image-a-39_1467986677216Նյումանի կայքում ևս Մեգապրոցեսորի վերաբերյալ Q&A-ը հարցերին տալիս է նմանատիպ պատասխաններ։ Դուք հարցնում եք՝ ի՞նչ է սա։ Պատասխանն  է՝ «Մեգապրոցեսորը միկրոպրոցեսոր է, պարզապես՝ մեծ, շատ մեծ»։ Իսկ հարցին, թե՝ ինչու՞ Ձեզ տրվում է պատասխան՝ «Որովհետև ես այդպես էի ուզում»։

Share.