Ահա թե ինչպես կարող եք տեսնել և ջնջել Google-ի որոնումների Ձեր ամբողջական պատմությունը

0

Google-ը այժմ թույլ է տալիս Ձեզ ներբեռնել այն ամենի արխիվացված ցուցակը, ինչ Դուք երբևէ որոնել եք։

Կազմակերպությունն աշխատում էր դրա վրա անցյալ տարվանից, սակայն նորությունը լայն տարածում ձեռք բերեց միայն այն բանից հետո, երբ անցյալ շաբաթ հաղորդվեց ոչ պաշտոնական աղբյուր հանդիսացող Google Operating Systems Blog-ի կողմից։

Արխիվը պարունակում է բոլոր այն բառերը, որոնք որոնվել են Google-ում, այսպիսով, հասկանալի է, որ այն կարող է պարունակել մարդու համար շատ անձնական տվյալներ, ինչպես օրինակ նրա կողմից որոնված որևէ հիվանդության նախանշանների կամ «կույր» ժամադրությունների մասին ինֆորմացիա։

Սակայն ցուցակը չի սահմանափակվում Google-ի որոնումների ինֆորմացիայով։ Այն նաև ընդգրկում է օգտվողի էլեկտրոնային փոստում որոնումների և  Google Maps-ում գրված հասցեների տվյալներ։

Բնականաբար,  անձնական ինֆորմացիայի այսպիսի ծավալը անվտանգության տեսանկյունից մտահոգություններ է առաջացնում։

Google-ը, իր հերթին հայտնել է, որ տեղյակ է այն վտանգներից, որոնք հնարավոր են անձնական ինֆորմացիայի նման պաշարները համակարգիչների վրա պահելու դեպքում, և զգուշացնում է դրա մասին մարդկանց ներբեռնումից առաջ։

Ահա, թե ինչպես կարող եք ներբեռնել Ձեր Google պատմությունը՝

Քայլ 1: Մտե՛ք Ձեր Google account

Քայլ 2: Բացե՛ք Ձեր Web & App Activity-ն

Քայլ 3: Վերևի աջ անկյունում սեղմե՛ք cog նշանին և ընտրե՛ք “Download” (ներբեռնել)

Քայլ 4: Սեղմե՛ք “Create Archive” (ստեղծել արխիվ)

Քայլ 5: Երբ Ձեր անձնական արխիվը պատրաստ լինի ներբեռնելու համար, Google-ը Ձեզ նամակ կուղարկի։ Դուք կկարողանաք տեսնել Ձեր արխիվը Google Drive-ի “Takeout Folder”-ում։ Կարող եք նաև ներբեռնել այն որպես zip կամ JSON ֆայլ Ձեր համակարգչի վրա։

Ահա, թե ինչպես կարող եք ջնջել Ձեր Google պատմությունը՝

Քայլ 1: Մտե՛ք Ձեր Google account

Քայլ 2: Բացե՛ք Ձեր Web & App Activity-ն

Քայլ 3: Վերևի աջ անկյունում սեղմե՛ք cog նշանին և ընտրե՛ք“Remove Items” (ջնջել նմուշները)

Քայլ 4: Ընտրե՛ք ժամանակահատվածը, որի պատմությունը ցանկանում եք ջնջել։ Ամբողջը ջնջելու համար սեղմե՛ք “The Beginning of Time” (ամենասկզբից):

Քայլ 5: Սեղմե՛ք “Remove” (ջնջել)

Google-ը տրամադրում է նաև առանձին նմուշների, վերջին ժամանակաշրջանում կամ առանձին սարքերից արված որոնումները ջնջելու հնարավորություն։

Սակայն արխիվը ջնջելը դեռ չի նշանակում, որ Ձեր տվյալները անհետանում են։

Համաձայն Google-ի՝ Ձեր որոնումները «այլևս կապված չեն լինում Ձեր Google Account-ի հետ»։ Սակայն կազմակերպությունը կարող է շարունակել գրանցել և պահպանել դրանք spam-ի կանխարգելման և ծառայությունների որակի բարձրացման նպատակով։

Share.