Ինչպե՞ս է iPhone-ը մշտապես հետևում Ձեզ։

0

 

Մենք բոլորս էլ լսել ենք այն կարծիքը, որ մեր սմարթֆոնները մեզ հետևում են: Բայց, թե որքանով է այս ամենը ճիշտ, կփորձենք պարզել միասին։

Այժմ մեր գադջեթները գիտեն մեր մասին ամեն ինչ։ Անկախ սարքի բրենդից կամ օպերացիոն համակարգից, վերջիներս, ուսումնասիրելով մեր հետաքրքությունները և վարքագիծը, հավաքում են մեր մասին տվյալներ՝ համապատասխան գովազդ ցուցադրելու համար:

Օգտվողի հեռախոսից ստանալով ինֆորմացիան՝ աստիճանաբար հավաքվում է և վերլուծելու համար ուղարկվում երրորդ կողմին: Այս տվյալների արդյունքում էլ ստեղծվում է գովազդ՝ ուղղված կոնկրետ անձանց:

Հավանաբար, շատերն են նկատել, որ իրենց մոտ հայտնվում է հենց այն ապրանքի գովազդը, որով օրեր առաջ իրենք հետաքրքրված էին:

Այս հարցում iPhone-ը նույնպես բացառություն չէ։

Վերջինս նույնպես օգտագործման առաջին օրվանից սկսում է տեղեկություններ հավաքել մեր մասին՝ որոշ տեղեկություններ միայն մեր թույլտվությամբ, իսկ մյուսները՝ լռելյայն:

Իհարկե, ոչ բոլորն են ցանկանում կիսվել իրենց ինֆոմացիայով Apple կորպորացիայի հետ, հատկապես, եթե այն պարունակում է բազմաթիվ անձնական տվյալներ։

Այսպիսով, հարց է ծագում, թե ինչ գիտի Ձեր մասին ձեր սիրելի iPhone-ը:

Գործառույթը կոչվում է «Significant Locations» և հանդիսանում է գեոլոկացիայի մի մասը։

Այս առանձնահատկության օգնութամբ, iPhone-ը հետևում է ձեր տեղաշարժումները քարտեզի վրա և հիշում դրանք: Այնուհետև, սարքը, հաշվարկելով և վերլուծելով, թե որ վայրերն եք ավելի հաճախ այցելում, հասկանում է, թե քարտեզի վրա որտեղ է գտնվում ձեր տունը և աշխատանքի վայրը:

Բացի այդ, սմարթֆոնը ինֆորմացիա է ստանում նաև այն մասին թե որ ​​խանութներից եք գնումներ կատարում, կամ որ բարերում եք հանգստանում։

Խանդոտ կանայք կարող են հեշտությամբ պարզել, թե որտեղ եք դուք լինում ուրբաթ գիշերները, քանի որ iPhone-ը հիշում է առավել հաճախ այցելած վայրերը:

Այնպես որ, եթե չեք ցանկանում, որ iPhone-ը հետևի Ձեզ, կբացատրենք, թե ինչպես անջատեք այդ գործառույթը։

Մուտք գործեք դեպի Settings և ընտրեք Privacy բաժինը։

Որից հետո բացված մենյուից անհրաժեշտ է ընտրել առաջին կետը Location Service:

Ամենավերջում կտեսնեք System Service բաժինը։ Ընտրեք այն։

Ապա բացված մենյուից ընտրեք Significant Locations։ Այս բաժնում կարող եք տեսնել ձեր կողմից հաճախակի այցելած վայրերի ամբողջական ցանկը։

Սեղմեք կանաչ կոճակին և անջատեք գործառույթը։

 

Share.