Յուրօրինակ ու շատ թանկարժեք նոր սմարթֆոն՝ Hydrogen One

0

Տեսախցիկներ արտադրող Red կազմակերպությունը պատրաստվում է թողարկել շատ թանկարժեք յուրօրինակ սմարթֆոն, որի մասին առայժմ քիչ մանրամասներ են հայտնի:

Չնայած դրան, հեռախոսները արդեն հասանելի են նախնական պատվերների համար՝ մինչև $1,595 արժողությամբ: Պատվերները կսկսեն ժամանել պատվիրատուների մոտ 2018 թ.-ի սկզբից:

d

Red-ը զգուշացրել է պոտենցիալ գնորդներին, որ, հնարավոր է, ոչ բոլոր պատվերները ժամանակին հասնեն, քանի որ նոր սմարթֆոնների էկրանների արտադրությունը սահմանափակ է: Կազմակերպությունը նաև չի երաշխավորում, որ հեռախոսների գինը չի փոխվի մինչև դրանց թողարկումը:

Սակայն ամենատարօրինակն այն է, որ  Red-ը նաև հայտնել է, որ սպասվող<< սարքի դիզայնն ու հատկանիշները կարող են փոխվել <<ցանկացած պահի ու ցանկացած պատճառով>>:

Hydrogen One-ի առանձնահատկությունը կայանալու է նրանում, որ այն ունենալու է 5.7 դյույմանի “հոլոգրաֆիկ” էկրան, որը ապահովելու է 3D փորձ առանց դրա համար անհրաժեշտ ակնոցի կիրառության:

Սարքը նաև առանձնանալու է իր մոդուլյարությամբ. այն տրամադրելու է տարբեր աքսեսուարներ կցելու հնարավորություն, ինչպես օրինակ՝ տեսախցիկի համար:

redhydrogenone

Hydrogen One-ի ծրագրային ապահովումը լինելու է Android համակարգ: Հեռախոսն ունենալու է microSD card slot-ի հնարավորություն հիշողության ծավալի մեծացման համար, լիցքավորման USB-C port և <<ևս մեկ հատուկ հատկանիշ>> նրանց համար, ովքեր շուտ կպատվիրեն:

Սարքի ալյումինե տարբերակը ներկայումս արժե  $1,195, իսկ տիտանե տարբերակը՝ $1,595:

Share.