Այժմ, Samsung Galaxy Note 7-ը օդանավում օգտագործելը անօրինական է

0

Ձեր շրջապատից որևէ մեկը կամ դուք ինքներդ դեռևս օգտագործու՞մ եք Samsung Galaxy Note 7-ը անտեսելով պայթյունի ռիսկը։  Ահա վերջին պատճառը այս սմարթֆոնից հրաժարվելու համար: Այժմ, FAA իրավասության ներքո անօրինական է համարվում օգտագործել Samsung Galaxy Note 7-ը օդանավում։

Ավիացիայի դաշնային վարչությունը (Federal Aviation Administration) հանդես է եկել անվտանգության խորհրդով և հիշեցրել ավիաընկերություններին և ուղևորներին, որ ֆեդերալ կանոնակարգը արգելում է տեղափոխել լիթիում-իոնային մարտկոցներ, որոնք ունեն թերություններ կամ արտադրողների կողմից ետ են կանչվել: Այն նաև նշել է, որ ուղևորները չեն կարող օգտագործել կամ լիցքավորել սարքեր, որոնք սնուցվում են նման մարտկոցներով։

Ահա, թե ինչ է պահանջում FAA-ը ուղևորներից

  • Անջատել հեռախոսը
  • Անջատել սմարթֆոնը ցանկացած լիցքավորման սարքից
  • Անջատել բոլոր հավելվածները, որոնք կարող են պատահաբար ակտիվացնել հեռախոսը (օրինակ՝ զարթուցիչը)
  • Ուշադիր լինել անջատման կոճակին և կանխել չկանխամտածված միացումը
  • Պահել սարքը ձեռքի ուղեբեռում կամ գրպանում (ոչ մի դեպքում չթողնել ուղեբեռում)

Այն բանից հետո, երբ Samsung-ը կոչ է արել վերադարձնել սմարթֆոնները բազմաթիվ ավիաընկերություններ անմիջապես արգելել են ուղևորներին օգտագործել կամ լիցքավորել Galaxy Note 7-ը օդանավում։ Անցյալ շաբաթ FAA-ը կոչ էր արել հանրությանը չօգտագործել սմարթֆոնը օդանավում։ Սակայն այժմ ամեն ինչ պաշտոնական է և հետապնդվում է օրենքով։

Վերադարձրեք Ձեր Galaxy Note 7 կամ փոխանակեք այն: Հակառակ դեպքում, պարզապես մի օգտագործեք այն օդանավում։

Share.