Ինչքանով է կարևոր մոնիտորի որակը։

0

Ձեր մտքում երբևէ ծագել է հարց, թե ինչ՞ու նույն պարամետրներով երկու նոթբուք ունեն տարբեր արժեքներ։ Եթե փորձենք, այս հարցին կարճ պատասխանել, ապա կասենք, որ նման գնային տարբերության պատճառը՝ մոնիտորն է։

Իհարկե, իդեալական աշխարհում hardware-ը, software-ը և մնացած բոլոր կոմպոնենտները պետք է համապատասխանեն միմյանց, սակայն իրականում միշտ չէ, որ դա այդպես է։ Նոթբուքների և համակարգիչների մի մասի թույլ կողմը հանդիսանում է մոնիտորը: Փաստն այն է, որ ներկայիս սմարթֆոնները, հատկապես բարձրակարգ մոդելները, ունեն այնպիսի որակյալ էկրաններ, որ երբեմն որակային առումով նույնիսկ գերազանցում են համակարգչային մոնիտորներին։

Անշուշտ, Dell, HP, Acer, Asus, Apple, Lenovo կամ այլ ապրանքանիշների համակարգիչ գնելու և մեծ գումար ծախսելու ընթացքում՝ դուք առաջին հերթին, իհարկե, ստուգում եք պրոցեսորի արագությունը, կոշտ սկավառակի չափսը, սակայն պատշաճ ուշադրություն չեք դարձնում էկրանի որակին։

Եվ արդեն իսկ կասկածներ չկան, որ շատերը համակարգիչ կամ նոթբուք գնելիս չեն արժևորում մոնիտորի կարևորությունը, քանի որ նրանք պարզապես փնտրում են նոր, հզոր սարք իրենց առօրյա գրասենյակային աշխատանք կատարելու կամ խաղեր խաղելու համար։ Սակայն երբևէ փորձել ե՞ք մտածել, թե ինչքանով է կարևոր մոնիտորի դերը և ինչպես է այն ազդում է համակարգչի օգտագործման ընդհանուր փորձի և ձեր աչքերի վրա։

Մարդկանց մեծամասնությունը, գումար խնայելու նպատակով, նոր համակարգիչ ձեռք բերելիս հակված է նույնիսկ չփոխարինել հին մոնիտորը նորով։  Իհարկե այս որոշումը, անշուշտ, կօգնի Ձեզ խնայել որոշակի գումար, սակայն այն կարող է իջեցնել համակարգչի ընդհանուր որակը։ Եվ սա վերաբերվում է ոչ միայն խաղեր խաղալուն կամ ֆիլմեր դիտելուն, այլ նույնիսկ արդյունավետությանը։

Երբ խոսքը գնում է մոնիտորը թարմացնելու կամ նորը գնելու մասին, վերջինս, սովորաբար, արժանանում է ավելի քիչ ուշադրության, քան հարկն է։ Սակայն, եկեք չմոռանանք, որ յուրաքանչյուր համակարգչի ամենաօգտագործվող բաղադրիչը հենց մոնիտորն է։ Այնպես, որ եկել է ժամանակը հասկանալ և գնահատել որոկյալ մոնիտորի բոլոր առավելությունները։ Ստորև կփորձենք ներկայացնել այն բոլոր էական առանձնահատկությունները, որոնք անհրաժեշտ է դիտարկել մոնիտոր ընտրելիս։

Առաջին հերթին նշենք, որ ներկայումս ամենատարծված մոնիտորի տեսակը համարվում է հեղուկ բյուրեղային մոնիտորը, որը կոչվում է LCD (Liquid Cristal Display)։ Վերջիններս հասանելի են մի քանի տեսակով, կախված մատրիացայի որակից։ Ընդհանուր առմամբ առանձնացվում են երկու տեսակի մատրիցա՝ TN (TN+film), IPS (S+IPS): Ամենատարածվածտը TN-ն է, որը տրամադրում է բավարար որակ էկոնոմ գնով։ Այն արագ է և համեմատ մյուս տեսակների ավելի էժան, սակայն անկյան տեսանելիությունը և գույները կատարյալ չեն: Ամենալավ TN մոնիտորի տեսանելիության անկյունը լավագույն դեպքում կարող է հասնել մինչև 170 աստիճան։

Մյուս տեսակը IPS-ն է, որը ավելի որակյալ է, սակայն գնային առումով ավելի թանկ։ IPS մոնիտորը նախատեսված է պրոֆեսիոնալ օգտագործման համար, քանի որ ունակ է ցուցադրել լայն գունային սպեկտոր և օժտված է մի շարք այլ պրոֆեսիոնալ հատկություններով, որոնք կորևոր են պրոֆեսիոնալ լուսանկարիչների, արվեստագետների և գրաֆիկ դիզայներների համար։ Այժմ նայեք ձեր մոնիտորին անյունից, արդյոք այն փայլում է կամ շեղում գույները և պատկերը, թե ո՞չ։ Եթե այո, ապա կարող եք կասկածներ չունենալ, որ ձեր մոնիտորը IPS է, քանի որ IPS-ները ցուցադրում են գույները առանց շեղումների անկախ դիտման անկյունից, որը շատ կարևոր է օրինակ պրոֆեսիոնալ դիզայներական աշխատանքներ իրականացնելու համար։ Նշենք որ, այս IPS-ների տեսանելիության անկյունը (viewing angle) 178 աստիճան է։ Այսինքն, որ անկյան տակ էլ էկրանին նայենք, կտեսնեք հստակ մաքուր պատկեր։ Հավելենք, որ IPS մոնիտորները շատ հանգիստ են աչքերի համար, նույնիսկ համակարգչի դիմաց երկար աշխատելիս։

tn-display-angleՄյուս կարևոր առանձնահատկությունը մոնիտորի բանաձևն է և չափը։ Եթե ունեք բավարար ազատ տարածություն և գումար, ապա, անկասկած, ընտրեք ինչքան հնարավոր է մեծ չափսի մոնիտոր: Այնուամենայնիվ, չափսից բացի անհրաժեշտ է հաշվի առնել նաև մոնիտորի բանաձևը, այսինքն փիքսելների քանակը, որից կախված է պատկերի ցուցադրման որակը։ Օրինակ նոթբուքի համար օպտիմալ չափս է 15.6 դյույմանոց full hd, (anti-glare) մատովի դիսփլեյը։

Այսօր լայն տարածում ունեն նաև 1080p մոնիտորները (այսինքն, 1920×1080 բանաձևով), որոնք կարող են ցուցադրել բավական որակյալ պատկեր 23-դյումանոց էկրանին, սակայն 27-դյումանոց մոնիտորի համար 1080p բանաձև կարող է նույնիսկ քիչ լինել, քանի որ պիքսելների խտությունը ցածր է: Այսինքն, 27-դյումանոց մոնիտորի դեպքում ավելի ճիշտ կլինի 2560×1440 բանաձը:

Այս աղյուսակում ներկայացված են տարածված բանաձևերը (resolution) և էկրանի կողմերի հարաբերությունը (aspect ratio)

Standard Resolution Aspect ratio
Full HD (FHD) 1,920×1,080 16:9
Wide quad HD (WQHD) 2,560×1440 16:9
Wide quad XGA 2,560×1,600 16:10
Ultra wide quad HD 3,440×1,440 21:9
Ultra HD 4K (UHD) 3,840×2,160 16:9
Digital Cinema Initiatives 4K (DCI 4K) 4,096×2,160 16:8 կամ 16:9
5K 5,120×2,880 16:9
8K UHD 7,680×4,320 16:9

 

Սակավ կարևոր չեն նաև գույնները։

Այս հարցում գոյություն ունեն երկու կարևոր ասպեկտ։ Առաջինը, թե որքան գույն կարող է ցուցադրվել էկրանը, և երկրորդը՝ որքան ճշգրիտ: Գույների սպեկտրը, որը ցուցադրում  է էկրանը կոչվում է գամմա, որը հաճախ արտահայտվում է տոկոսով: Եթե դուք չեք իրականացնում կարևոր աշխատանք կապված գույների հետ (լուսանկարների խմբագրում, դիզյան և այլն) կամ չեք ցանկանում դիտել HDR ֆիլմեր համակարգիչով, ապա 99-ից 100 տոկոս sRGB բավարար է:

Մոնիտորների դիսփլեյների մյուս հատկանիշը թարմացման գործակիցն (refresh rate) է։ Այն ցույց է տալիս պատկերի մեկ վայրկյանում թարմացման արագությունը (չափվում է Hertz-ով [Hz]): Որքան բարձր է թարմացման գործակիցն, այնքան բարձր է պատկերի որակը: Եթե պատրաստվում եք խաղեր խաղալ, ապա անհրաժեշտ է աչքի տակ ունենալ այս առանձնահատկությունը։ Գեյմինգի համար նախատեսված մոնիտորները հիմնականում լինում են TN մատրիցայով, սակայն բարձր hz-ով (օրինակ 120 կամ 144 hz)։

Վերը նշվածները, իհարկե, ամենակարևոր առանձնահատկություններն են, որոնց մասին անհրաժեշտ է տեղյակ լինել բոլորին։ Այնպես որ այժմ դուք գիտեք,  որ հաջորդ անգամ նոր համակարգիչ կամ նոթբուք ընտրելիս անհրաժեշտ է հաշվի առնել նաև մոնիտորի էկրանի որակը։

 

acer-predator-z35-hero1-800x533-c

Share.