Ինչպես ուժեղացնել Ձեր Wi-Fi ազդանշանը

0

Wi-Fi-ը իրենից ներկայացնում է ռադիոալիքներ, որոնց շատ բաներ կարող են խանգարել: Ուժեղ Wi-Fi ազդանշանը կապահովի առավել լայն ծածկույթ և արագ աշխատանք, այսպիսով, շատ կարևոր է ճիշտ տեղում տեղակայել ռոուտերը ազդանշանի մաքսիմալ ուժգնություն ստանալու համար: Ահա թե ինչ է պետք անել այդ նպատակով.

Բարձրացրե՛ք անտենան վերև

Ռոուտերները սովորաբար ունեն անտենաներ, որոնք կարելի է շարժել և հարմարեցնել: Դրանք գնելիս լինում են հորիզոնական դիրքում, որպեսզի ռոուտերը տեղավորվի տուփի մեջ: Ազդանշանի առավելագույն ուժգնության համար տեղակայե՛ք անտենաները ուղղահայաց դիրքով: Եթե կան 2 անտենաներ, ապա Դուք չեք ստանա կապի ավելի լավ որակ՝ ուղղելով դրանք տարբեր ուղղություններով:

Ռոուտերի համար ընտրե՛ք ճիշտ տեղ

Հաշվի առե՛ք, թե որտեղ եք տեղակայում ռոուտերը: Եթե ունեք մեծ բնակարան կամ գրասենյակ, ապա տեղակայե՛ք այն կենտրոնական դիրքում: Մաքսիմում ծածկույթ ստանալու համար անհրաժեշտ է նաև ապահովել ռոուտերի բարձր դիրքը:

Մի դրե՛ք ռոուտերը մեծ մետաղական օբյեկտների հարևանությամբ. դրանք կարող են բլոկ անել ազդանշանը: Նույնը վերաբերում է նաև մետաղյա և քարե պատերին: Մինչդեռ փայտե և գիպսե պատերը խնդիր չեն հանդիսանում:

Դուք կարող եք վերացնել նաև խանգարող ռադիոալիքների հանգամանքը: Օրինակ՝ միկրոալիքային վառարանի տեղը փոխելով, որպեսզի այն չլինի համակարգչի և ռոուտերի միջև: Եթե խանգարում է անլար հեռախոսը, ապա կարելի է գնել նոր 5.8 GHz հեռախոս, որը չի առաջացնում նման խնդիր:

wifi-router-and-cordless-phone-interference-ehow

Ընտրե՛ք լավագույն Wi-Fi Channel-ը (ալիքը)

Եթե Դուք գտնվում եք մի վայրում, որ կան տարբեր Wi-Fi ցանցեր, օրինակ՝ բնակելի շենքում կամ գրասենյակային համալիրում, ապա, հավանաբար, Ձեր հարևանների Wi-Fi ցանցերը խանգարում են կապի լավագույն որակ ունենալուն:

Այս խոչընդոտը հաղթահարելու համար տեղադրե՛ք ռոուտերը հնարավորինս հեռու Wi-Fi-ի մնացած կետերից:

Սակայն լավագույն միջոցը այլ Wi-Fi channel-ի փոխելն է: Դուք կարող եք դա անել ռոուտերի կարգավորումների էջի միջոցով՝ ռոուտերի հետ տրվող գրքույկի օգնությամբ կամ օնլայն ինֆորմացիա փնտրելով:

Wi-Fi channel ընտրելիս օգնություն կարող է հանդիսանալ նաև Wi-Fi Analyzer հավելվածը Android-ի համար: Ցավոք, նույնը դեռևս չկա iPhone-նների կամ  iPad-ների համար:

Share.