Այժմ հնարավոր կլինի դիտել Instagram-ի «Պատմությունները» վեբ բրաուզերում

0

Instagram-ը շարժվում է դեպի առաջ և չի ցանկանում մնալ հասարակ բջջային հավելված: Վերջերս ընկերությունը հայտարարել է, որ Instagram-յան պատմությունները, այսպես կոչված Storie-ները, այժմ հնարավոր կլինի դիտվել վեբ բրաուզերում համակարգչի օգնությամբ:

Պատմությունները դիտելու համար օգտատերերը կարող են մուտք գործել Instagram.com սմարթֆոնի վեբ բրաուզերից կամ համակարգչից։ Stories ժապավենը տեսանելի կլինի էկրանի վերևի հատվածում, ճիշտ այնպես, ինչպես, բջջային հավելվածում: Սլաքների կոճակները հնարավորություն կտան անցումներ կատարել մի տեսանյութից դեպի մյուսը։ Ցավոք օգտատերերը չեն կարողանա ներբեռնել պատմություններ համակարգչից։ Սակայն առաջիկա ամիսների ընթացքում սոցիալական ցանցը նախատեսում է նաև ավելացնել այս հնարավորությունը բոլոր վեբ Instagram օգտատերերի համար։

43C7398500000578-0-image-a-10_1504256880714

Instagram-ը հուսով է, որ նման նորարությունը թույլ կտա օգտվողներին դիտել Պատմությունները ավելի մեծ էկրանին։

«Պատմությունները արագ կերպով դարձել են Instagram-ի կարևոր մասը, 250 միլիոն մարդ ամեն օր օգտագործում է այն՝ իրենց ընկերներից տեղեկացված լինելու նպատակով», – նշել է Instagram-ը: «Այնպես, որ մենք այժմ ոգեշնչված ենք դարձնել պատմությունները հասանելի այն օգտատերերի համար, ովքեր օգտվում են Instagram-ի վեբ տարբերակից»:

Այս նոր ֆունկցիան աստիճանաբար կսկսի գործել բոլոր օգտատերերի համար և հասանելի կդառնա առաջիկա շաբաթների ընթացքում:

3E4F047400000578-0-image-a-22_1489609506150

«Պատմություններ» ֆորմատը վերջերս հայտնվել է բազմաթիվ տարբեր հարթակներում ինչպես օրինակ Facebook-ում, Skype-ում և ինչպես նաև այլ հավելվածներում։

Այս ամսվա սկզբին Facebook-ը նույնպես թողարկել է համակարգչից պատմություններ դիտելու ֆունկցիան:

Share.