Instagram­ն անցնում է 500 միլիոն օգտատերերի սահմանը

0

Facebook-ին պատկանող նկարներով կիսվելու հավելված Instagram-ը այժմ ունի 500 միլիոնից ավելի օգտատեր՝ երկու անգամ ավելի շատ, քան նախորդ տարի էր:

Անցյալ սեպտեմբերից Instagram-ը սկսեց մեծ հաջողություններ գրանցել և ամեն ամիս ձեռք բերել 100 միլիոնից ավել օգտատեր: Ըստ Instagram-ի բլոգի՝ նրանցից շուրջ 80 տոկոսը ԱՄՆ-ից դուրս են բնակվում:

Հավելվածը աճ է գրանցել նաև ամեն օր օգտվող օգտատերերի քանակի հարցում. 500 միլիոն օգտատերերից 300-ը մտնում են Instagram ամեն օր:

Անդրադառնալով իր օգտատերերի բազմազանությանը՝  Instagram-ը նշել է. «Անկախ նրանից Դուք նկարիչ եք, sneakerhead, թե տիեզերագնաց միջազգային տիեզերական կայանում, ամեն նկարն ու վիդեոն օգնում է մարդկանց մոտեցնել միմյանց և իրենց հետաքրքրությունները, բացում է հեռանկարներ և ոգեշնչում»:

Նկարներով կիսվելու համար նախատեսված այս հավելվածի արագ աճը հաստատեց նրա փոխակերպումը սոցիալական կոմերցիան հավելվածի: Ինչպես հաղորդում է Financial Times-ը՝ Instagram-ը հարթակ է հանդիսանում 200.000 գովազդատուների համար և հանդիսանում է Facebook-ի գովազդային եկամուտների խոշորագույն աղբյուրներից մեկը:

Facebook-ի կողմից 1 միլիարդ դոլարով ձեռք բերվելուց 4 տարի անց, Instagram-ն այսօր նրան բերում է 3.2 միլիարդի տարեկան եկամուտ՝ համաձայն Credit Suisse-ի: Ըստ eMarketer-ի՝ այս աճը կարող է կազմել այս տարի Facebook-ի ամերիկյան եկամուտների 15%-ից ավելին և գլոբալ եկամուտների 8%-ը:

Facebook-ը գրանցում է աճ նաև իր մյուս հավելվածների հարցում: Իր հիմնական հավելվածն ունի 1.6 միլիարդ օգտատերերի բազա, WhatsApp-ը՝ անցյալ տարի հատեց 1 միլիարդի սահմանը, իսկ FB Messenger-ն այսօր ունի 900 միլիոն ակտիվ օգտատերեր:

Share.