Intel-ը ներկայացրել է «աշխարհի լավագույն» խաղային պրոցեսորը։

0

Հանրաճանաչ Intel ամերիկայն ընկերությունը, համակարգիչներին նվիրված միջոցառման ժամանակ, ներկայացրել է 9-րդ սերնդի նոր Core պրոցեսորները:

Նոր ընտանիքի առաջատարը Intel Core i9-9900K պրոցեսորն է, որն ընկերության պնդմամբ կարող է համարվել աշխարհի լավագույն խաղային պրոցեսորը:

Core i9-9900K պրոցեսորը բաղկացած Է ութ միջուկից և տասնվեց հոսքից՝ 3,6 ԳՀց բազային հաճախությամբ, որը Turbo ռեժիմում կարող Է հասնել մինչև 5 ԳՀց։

Նշենք, նաև Core i9-9900K-ից բացի միջոցառման ընթացքում ցուցադրվել են նաև առավել բյուջետային՝ Core i7-9700К և Core i5-9600К պրոցեսորները։ Core i7-9700К-ը ներառում է 8 միջուկ և 3,6 ԳՀց հաճախականություն, իսկ Core i5-9600К-ը՝ 6 միջուկ և 3,7 ԳՀց հաճախականություն։

Ի համեմատ Core i9-9900K-ը, հիմնական տարբերությունը այստեղ Hyper-Threading տեխնոլոգիայի բացակայությունն է, որի պատճառով էլ Core i7-9700К պրոցեսորը կարող է առաջարկել միայն ութ հոսք։

Նշենք, որ ներկայացված երեք պրոցեսորների հիմքում ընկած է Skylake-X ճարտարապետությունը։ Բացի այդ պրոցեսորները համալրված են Intel Turbo Boost 2.0 տեխնոլոգիայով։

Intel-ը իր նոր արտադրանքը առաջին հերթին ներկայցնում է, որպես իդեալական լուծում խաղերի համար: Ըստ ընկերության հայտարարությունների, Coffee Lake Refresh պրոցեսորների խաղային կատարումը նախորդ սերնդի արտադրանքի համեմատ աճել է 10%-ով: Իսկ չորս միջուկանի պրոցեսորների համեմատ, այս նոր պրոցեսորների համակարգերը կապահովեն կադրերի հաճախության՝ 35-45% ավելի բարձր ցուցանիշներ, ինչպես նաև կմատուցեն տեսանյութը Premiere Pro-ում երկու անգամ ավելի արագ։

Պրոցեսորների մեկնարկային արժեքները հետևյալն են․ Core i5-9600K-ը կարժենա մետավորապես 262$, Core i7-9700К-ը՝374$, իսկ Core i9-9900К-ը՝ 488$:

Նոր պրոցեսորների մանրածախ վաճառքը կմեկնարվկի հոկտեմբերի 19-ին, իսկ նախնական պատվերները կընդունվեն ավելի վաղ։

Share.