Intel-ը մշակել է արհեստական բանականությամբ առաջին պրոցեսորը և ներկայացրել 10-րդ սերնդի Intel Core գերհզոր պրոցեսորները:

0

 

Համակարգչային սարքավորումներ արտադրող՝ Intel ընկերությունը Computex 2019 ցուցահանդեսի շրջանակներում (որը այս տարի տեղի կունենա Թայվանի մայրաքաղաք՝ Թայբեում մայիսի 28-ից հունիսի 1-ը ընկած ժամանակահատվածում) ներկայացրել է 10-րդ սերնդի Intel Core պրոցեսորները, որոնք նախկինում հայտնի էին ինչպես Ice Lake անվանմամբ։

Պրոցեսորները ստեղծված են 10 նանոմետրային տեխնոլոգիայով: Ինտեգրված Iris Plus գրաֆիկան՝ 11-րդ սերնդի ճարտարապետությամբ, առաջին անգամ դարձնում է արհեստական ինտելեկտը հասանելի անհատական համակարգիչների և, հատկապես, նոթբուքերների համար:

Intel DL Boost տեխնոլոգիայի շնորհիվ այն 2,5 անգամ ավելի արագ է կատարում արհեստական բանականության հետ կապված բոլոր հաշվարկները, և 2 անգամ բարձրացնում գրաֆիկայի արտադրողականությունը:

Ինչպես նաև եռակի անգամ ավելացել է անլար կապի արագությունը: Արհեստական ինտելեկտի ցածրապահանջ առաջադրանքների համար չիպի մեջ կա ներկառուցված արագացուցիչ Gaussian Network Accelerator (GNA)։

Օգտատերերը կկարողանան նոթբուքով գործարկել 4K HDR տեսանյութեր և խաղալ խաղեր 1080p թույլատրությամբ։

Առաջին շարքում ներկայացվեցվելեն են Core i3, i5 և i7 սերիայի պրոցեսորներ նոթբուքների համար: Վերջիններս ներկայացված են U շարքում, որի էներգիայի սպառման ստանդարտը 15-25 Վտ է և Y էներգոարդյունավետ շարքում՝ 9-12 Վտ: Պրոցեսորներում օգտագործում է Sunny Cove ճարտարապետությունը 4 միջուկներով և 4.1 ԳՀց հաճախականությամբ:

Intel-ի խոսքերով, Sunny Cove-ը կարող է ապահովել 18%-ով ավել հրահանգների կատարում մեկ տակտի ընթացքում, ինչը, էապես, բարելավում է կատարումը նույն հաճախականության դեպքում։ Ինչպես նաև ընդլայնվել է առաջին և երկրորդ մակարդակի քեշերի ծավալները։

Այս շարքում ներառվել են նաև Intel Iris Plus գրաֆիկաով պրոցեսորներ, սակայն նշենք, որ կան նաև մոդելներ՝ համալրված UHD գրաֆիկայով։

Intel-ը արդեն իսկ սկսել է մատակարարել 10-րդ սերնդի Intel Core գերհզոր պրոցեսորները նոթբուքերների արտադրությամբ զբաղվաղ իր գործընկերին:

Նորագույն պրոցեսորներով առաջին համակարգիչները, ենթադրաբա, խանութներում կհայտնվեն արդեն իսկ հոկտեմբեր-նոյեմբերի ամիսներին։

Share.