Intel-ը ներկայացրել է իր նոր Core i9 և Core X պրոցեսորների շարքը։

0

Երեքշաբթի օրը Computex 2017-ի ընթացքում Intel ընկերությունըբ պաշտոնապես ներկայացրել է գերհզոր Core i9 պրոցեսորը և իր նոր Core X պրոցեսորների շարքը, որը սպառողին առաջարկում է արդեն իսկ գոյություն ունեցող Core i5 և Core i7 մոդելների ավելի հզոր տարբերակները։

Core X պրոցեսորները նախատեսված են ինչպես համակարգչային խաղերի սիրահարների, այնպես էլ կոնտենտ ստեղծողների համար: Այն հնարավորություն է տալիս իր օգտատերերին խաղալ խաղերը մաքսիմալ բարձ հզորությամբ, միառաժամանակ կիսվելով խաղընթացքով դիտորդների հետ, ինչպես նաև աշխատել չորս տարբեր ծրագրերով, ինչպիսիք են օրինակ՝ Adobe Premiere Pro-ն, Photoshop-ը, Lightroom-ը և այլն։

6757-image

Այս սերիայի լավագույն Core i9 Extreme պրոցեսորը լինելու է առաջին սպառողական դեսքթոփ պրոցեսորը, որն աշխատելու է 18 միջուկով և 36 հոսքով: Վերջինիս արժեքը կազմելու է $1999:

Այնինչ, Intel Core X շարքի ամենաէժան պրոցեսորը՝ 4 միջուկանի Core i5-7640X մոդելն է՝ 242$ արժողությամբ։ Intel Core X i5/i7 սերիայի պրոցեսորների գները մոտավորապես տատանվելու են 242$-ից 599$-ի սահմաններում:

Core-X-series

Ինչ վերաբերվում է Core i9 շարքին, ապա նշենք, որ չհաշված Core i9 Extreme-ը այն ներառում է չորս մոդել: Այս շարքի ամենաէժան տարբերակը (10 միջուկ, 20 հոսք) արժենալու է 999$, իսկ ամենաթանկը (16 միջուկ, 32 հոսք)՝ 1699$:

Բոլոր նոր պրոցեսորները համատեղելի են նոր Intel X299 չիպերի հետ, որոնք պրոցեսորների հետ միասին կհայտնվեն համակարգիչներում արդեն իսկ մոտակա շաբաթվա ընթացքում: Հարկ է նշել, որ Core X պրոցեսորները նախագծվել են 6-րդ սերնդի Skylake հիմքով:

Intel_Core_i9_Extreme_Edition

Բացի այդ, արտադրողականությունը (single- core և dual-core performance) բարձրացնելու նպատակով Intel-ը, Core X շարքի իր ամենաթանկ համարվող մոդելների համար թարմացրել է Turbo Boost տեխնոլոգիան։ Այս նոր տարբերակը անվանվել է  Turbo Boost Max 3.0:

intel-x9-speeds-and-feeds-updated-100724042-orig

Share.