Հետաքրքիր փաստեր սմարթֆոնների մասին, որոնք կզարմացնեն Ձեզ։

0

Նորություն չէ, որ սմարթֆոնները արդեն դարձել են ժամանակակից մարդու առօրյայի անբաժանելի մի մասը։ Այսօր սմարթֆոնները լիարժեք կերպով փոխարինել են տեսախցիկներին, զարթուցիչներին, նվագարկիչներին, որոշ առումներով նաև համակարգիչներին և նմանատատիպ մի շարք այլ սարքերի:

Մինչդեռ բոլորը օգտվում են սմարթֆոններից, սակայն ոչ բոլորը գիտեն հետաքրքիր փաստեր վերջիններիս մասին։

Այնպես որ ստորև Ձեր ուշադրությանն ենք ցանկանում ներկայացնել մի շարք զարմանալի փաստեր Ձեր սիրելի գադջեթի մասին։

Առաջին սմարթֆոնը

Առաջին սմարթֆոնը ստեղծվել է 1994 թվականին։ Դա սենսորային էկրանով IBM Simon-ն է, որը կարողանում էր ուղարկել էլեկտրոնային նամակներ և ուներ 1 Մբ ծավալով հիշողություն։

Նշենք որ առաջին սմարթֆոնի արժեքը կազմում էր 900 $։

Սմարթֆոնը պարունակում է ոսկի

Սմարթֆոնում ոսկու տոկոսն ավելի մեծ է, քան ոսկու հանքաքարում: 1 գրամ ոսկի ստանալու համար պահանջվում է մեկ տոննա հանքանյութ: Այնինչ դուք կարող եք ձեռք բերել նույն քանակությամբ ոսկի `վերամշակելով 41 բջջային հեռախոս:

Տեսլայի կանխատեսումը

Հայտնի ֆիզիկոս և գյուտարար Նիկոլա Տեսլան դեռևս 1926 թվականին կանխատեսել էր ժամանակակից սմարթֆոնի առաջացումը:

Ամենաթանկ մասերը

Սմարթֆոնի ամենաթանկ տարրերը համարվում է էկրանը և հիշողության քարտը:

Nokia-ի մարտկոցները

Տարիներ առաջ Nokia 3310-ի մարտկոցը թվում էր անհավանական հզոր։ Սակայն իրականում այն այսօր 3-4 անգամ ավելի փոքր է, քան միջին դասի սմարթֆոնինը։

Հավելվածներ

Ամեն տարի օգտատերերը ներբեռնում են շուրջ 20 միլիարդ ծրագիր: Ընդամենը 6 տարի առաջ այս թիվը հասնում էր 5 միլիարդի։

Սմարթֆոնը որպես տեսախցիկ

Երիտասարդների մոտ 83%-ը օգտագործում է սմարթֆոնը որպես տեսախցիկ:

Սմարթֆոնի հզորությունը

Ժամանակակից սմարթֆոնը միլիոն անգամ ավելի հզոր է, քան 1969 թվականի NASA- ի հաշվողական համակարգերը:

Share.